Լավ, այսքան ապաշնորհ... Դուք ոչ մի պահանջ չունե՞ք Ալիևից, որ մի պայման էլ դուք դնեք

Օգոստոսի 26-ին Ղրղզստանում կայացած Եվրասիական միջկառավարական խորհրդի` ընդլայնված կազմով նիստին հյուրի կարգավիճակում Ադրբեջանի վարչապետի մասնակցությանը, պարզվում է, հայկական կողմը չի առարկել ԵԱՏՄ գործընկեր-պետությունների խնդրանքով: «Ազատության» գրավոր հարցմանն ի պատասխան այս մասին հայտնել են վարչապետի աշխատակազմից:

«Եվրասիական միջկառավարական խորհրդի` ընդլայնված կազմով նիստին հրավիրյալի կարգավիճակով երրորդ պետությունների մասնակցությունը համաձայնեցվել է ԵԱՏՄ անդամ պետությունների հետ` «Եվրասիական միջկառավարական խորհրդի նիստի կազմակերպման և անցկացման» մասին կարգի համապատասխան», - հավելել են կառավարությունից:

Հիշեցնենք, որ Ադրբեջանն առաջին անգամ էր մասնակցում ԵԱՏՄ երկրների վարչապետերի ընդլայնված նիստին։ Այդ նիստին Ադրբեջանից բացի, հյուրի կարգավիճակով մասնակցում էր նաև Ուզբեկստանը։

Հայաստանի կառավարությունը նաև հայտնել է, թե այս պահի դրությամբ որևէ պետության կողմից ԵԱՏՄ դիտորդի կարգավիճակ ստանալու հայտ չի ներկայացվել: «Նման հայտի առկայության պարագայում հայկական կողմն այն կքննարկի «Եվրասիական տնտեսական միության մասին» 2014թ. մայիսի 29-ի Պայմանագրի 109-րդ հոդվածով և «Եվրասիական տնտեսական միությանն առընթեր դիտորդ պետության կարգավիճակի մասին» կարգով սահմանված ընթացակարգերին համապատասխան», - ասված է գրավոր պատասխանի մեջ:

Նկատենք, որ Ադրբեջանի մասնակցությունը ԵԱՏՄ նիստերին քննարկվում էր դեռ անցած տարվա ապրիլին: Այն ժամանակ, սակայն, Հայաստանը ընդդիմացել էր։ Փոխվարչապետ Մհեր Գրիգորյանն ասել էր, թե Երևանը դեմ է արտահայտվել Ադրբեջանի ներկայացուցչի մասնակցությանը։

Ալի Ասադովն այդ նիստին մասնակցելու հնարավորության համար հատուկ շնորհակալություն էր հայտնել Ռուսաստանի և Բելառուսի վարչապետերին։
Հիշեցնենք նաև, որ Միությանը անդամակցում են Ռուսաստանը, Ղազախստանը, Բելառուսը, Ղրղըզստանը և Հայաստանը։ Կազմակերպությունում դիտորդի կարգավիճակ ունեն Կուբան, Մոլդովան, Ուզբեկստանը։

Այսինքն, Փաշինյանի կառավարությունը նույնիսկ այս ձևաչափը չի օգտագործում, որպեսզի ընդդիմանա Ադրբեջանի մասնակցությանը՝ պահանջելով օրինակ՝ ՀՀ ինքնիշխան տարածքից ադրբեջանական ստորաբաժանումների դուրսբերումը, կամ՝ հայ բոլոր ռազմագերիների վերադարձը:

Մի՞թե այսքան ապաշնորհ կարելի է լինել, այն դեպքում, որ Բաքուն օրը մեջ Հայաստանին պահանջներ է ներկայացնում՝ մի զինվեք, խաղաղության պայմանագիր ստորագրեք, ճանաչեք Ադրբեջանի տարածքային ամբողջականությունը...

Փաշինյանի կառավարությունը ոչ մի պահանջ չունի՞ Ալիևից, որ ներկայացնի, ու հայտարարի, կհամաձայնեք Ադրբեջանի մասնակցությանը այս ձևաչափին, եթե Բաքուն կատարի Հայաստանի այս կամ այն պահանջը:

Ու սա այն դեպքում, որ բառացիորեն երեկ Փաշինյանը հայտարարեց, որ Հայաստանն ու Ադրբեջանը Բրյուսելում «չեն կարողացել պայմանավորվածություններ ձեռք բերել» կարևորագույն հարցերի շուրջ...

Հայաստանն ու Ադրբեջանը օգոստոսի 31-ին Բրյուսելում չեն կարողացել պայմանավորվածություններ ձեռք բերել երկկողմ օրակարգի կարևորագույն հարցերի շուրջ, ասաց Փաշինյանը Վլադիվոստոկում հայ համայնքի մի խումբ ներկայացուցիչների հետ հանդիպմանը։ «Պիտի ասեմ, որ այդ հանդիպման ընթացքում ամենակարևոր կամ մեզ հուզող ամենակարևոր հարցերի վերաբերյալ մեզ չի հաջողվել ընդհանուր դիրքորոշումներ արձանագրել, խոսքը, մասնավորապես, Լեռնային Ղարաբաղի հիմնախնդրի վերաբերյալ է, բայց մյուս կողմից էլ` մենք երկուստեք՝ և՛ Ադրբեջանը, և՛ Հայաստանը արձանագրում են խաղաղության հասնելու և խաղաղություն արձանագրելու իրենց ցանկությունը»,- ասել է Փաշինյանը։ Նրա խոսքով՝ Ադրբեջանը համարում է, որ Լեռնային Ղարաբաղի խնդիրը լուծված է, և այլևս քննարկելու բան չկա։ «Մեր դիրքորոշումը և ակնհայտորեն միջազգային հանրության դիրքորոշումը չի համընկնում Ադրբեջանի դիրքորոշման հետ»,- նշել է նա` հավելելով, որ Բաքվի տեսակետը այդ հարցում չի կիսում նաև Մոսկվան։

Մետաքսյա Շալունց

դիտվել է 2265 անգամ
Լրահոս
Լևոն Աբրահամյանն ընտրվել է Հայաստանի նկարիչների միության նախագահ ՀԷՑ-ը ստոլբեն լավ գնով չէր առել, մենք կխլենք այն` Ադրբեջանի և Թուրքիայի համակարգին կապելու համար Չեմ կարող ինձ համեմատել նրա հետ, դա անհնար է․ Սպերցյանը՝ Մխիթարյանի մասին Ես տեղափոխվում եմ Հայաստան. Դենիս Ջորկաեֆ Զոհվել է առնվազն 428 երեխա և դեռահաս Մայր Աթոռում կատարվել է 9 սարկավագների ընծայման կարգը «ԽԱՂԱՂՈՒԹՅՈՒՆԸ ՔԹԻ ՏԱԿ` ԽԱՂԱՂՈՒԹՅՈՒՆ ԵՆ ՄՈՒՐՈՒՄ»․ Լևոն Ջավախյան «Առաջին ագամը չէ, որ Փաշինյանի ասածը ոչ մի կապ չունի իրականության հետ»․ Հակոբ Բադալյան «Գուցե վաղն էլ նիկոլները բացատրեն, որ Արցախը հանձնելու որոշումը նույնպես միջազգային ստանդարտի պահանջն էր»․ Մետաքսե Հակոբյան «Այ քեզ լոգիկա․ ուրեմն գյուղի պո*նիկն ամենաանկախն է»․ Ոսկան Սարգսյան Այ Քաջ Նազար, գնա քո Ուստիաննայիդ դիմի․ Լևոն Զուրաբյանը պատասխանել է Նիկոլ Փաշինյանին Մի շարք տարածաշրջաններում անձրև է տեղում Երևանում «Jeep»-ը հետիոտնային անցման վրա վրաերթի է ենթարկել հետիոտնին Պահանջել եմ անձնագրիս մեջ ծննդավայրս չնշել Ադրբեջան․ Արտակ Բեգլարյան «Խաղաղության» անվան տակ հերթական զիջումը ժողովրդին որպես հաղթանակ ներկայացնել չի ստացվելու․ Արթուր Միքայելյան Ուկրաինայի համար անվտանգության ամենահստակ երաշխիքը ՆԱՏՕ-ին անդամակցությունն է. Զելենսկի Իրանը պատրաստ է երկու օրում բացել Հորմուզի նեղուցը՝ ԱՄՆ-ի պայմանների կատարման դեպքում․ Աբբաս Արաղչի ԱՄՆ ծովային հետևակի հռչակավոր վետերանին կասկածում են աշակերտների հետ շփման սահմանները խախտելու մեջ Չենք հաղթանակի ստին ու կեղծիքին, քանի դեռ չենք գիտակցել ու մեր ներսում չենք ապրել այն զրկանքների ու հալածանքների գոնե մեկ-քառորդ ծանրությունը, որոնց միջով անցնում է Բագրատ Սրբազանը Մի՛ թող, որ չասված խոսքերն ու չհաղթահարված վիրավորանքները խլեն քեզնից այն ժամանակը, որը կարող էիր անցկացնել սիրելիիդ հետ. Տեր Մովսես Իրանը ԱՄՆ-ի հետ հակամшրտության շրջանակներում բարձրացնում է լարվածության սանդղակը․ Ոսկանյան Իրանը ներկայացրել է ստորգետնյա «հրթիռային քաղաք» Դանիան մտադիր է առաջարկել արգելել ռուս զբոսաշրջիկների մուտքը ԵՄ երկրներ. Reuters Պայքար 6 ձայնի համար. ըստ Կարապետ Պողոսյանի՝ քրեաիրավական համակարգը ներգրավված է ընդդիմության դեմ կոմպրոմատներ հավաքելու գործում Սոցցանցում Փաշինյանին առաջարկում են հանդես գալ «Pupush annayi simpo arjukn em» օգտանվամբ
Ամենաընթերցվածները
Շուտով
Նոյեմբերի 20-ին՝ ժամը 11։00-ին, Հայելի ակումբի հյուրն է Նարե Սոսեն Նոյեմբերի 20-ին՝ ժամը 15։30-ին, Հայելի ակումբի հյուրն է Էլյանորա Մանադյանը Նոյեմբերի 20-ին՝ ժամը 13։00-ին, Հայելի ակումբի հյուրն է Վիգեն Հակոբյանը Նոյեմբերի 20-ին՝ ժամը 14։00-ին, Հայելի ակումբի հյուրն է Նարինե Դիլբարյանը Նոյեմբերի 19-ին՝ ժամը 16։00-ին, Հայելի ակումբի հյուրն է Ռուզաննա Ստեփանյանը Նոյեմբերի 19-ին՝ ժամը 12։00-ին, Հայելի ակումբի հյուրն է Աշոտ Անդրեասյանը Նոյեմբերի 19-ին՝ ժամը 14։30-ին, Հայելի ակումբի հյուրն է Էլյանորա Մանադյանը Նոյեմբերի 19-ին՝ ժամը 13։00-ին, Հայելի ակումբի հյուրն է Նաիրի Հոխիկյանը Նոյեմբերի 19-ին՝ ժամը 11։00-ին, Հայելի ակումբի հյուրն է Րաֆֆի Հովհաննիսյանը Նոյեմբերի 18-ին՝ ժամը 11։30-ին, Հայելի ակումբի հյուրն է Արմենուհի Կյուրեղյանը
Հետևեք մեզ Viber-ում https://cutt.ly/5wn8sJBS
Hayeli.am