Սեքս սկանդալ Շիրակի պետհամալսարանի քոլեջում

ՇՊՀ-ում տիրող անբարո մթնոլորտի մասին վկայող անձնական նամակագրության սքրինշոթեր են հրապարակվել ֆեյսբուքի օգտատերերից Կարինե Մարտիրոսյան անունով ոմն մեկի էջին:

Այս անգամ խոսքը վերաբերում է ՇՊՀ-ի քոլեջի տնօրեն Աշոտ Դավինյանին, որի նամակագրության բովանդակությունից կարելի է ապշել, թե ու՛մ է վստահվել ուսումնական հաստատության ղեկավարումը: Զարմանալի է, որ քոլեջի ուսանողուհիները և աշխատակից կանայք հանդուրժում են մեկին, որը չի կարողանում զսպել իր սեռական բնազդները: Աշոտ Դավինյանը քոլեջի տնօրեն դարձել է քեռու՝ ՇՊՀ-ի դեկաններից մեկի՝ Լևոն Մարտիրոսյանի շնորհիվ, որը ռեկտոր Երվանդ Սերոբյանի մտերիմ ընկերն է ու այս իշխանության երկրպագուներն են:
ՇՊՀ քոլեջի մեր աղբյուրները հաստատեցին այս խայտառակ պատմության իսկությունը՝ մատնանշելով, թե իրականում ու՛մ հետ է քոլեջի տնօրենն ամբողջ կոլեկտիվի առաջ սիրային կապի մեջ եղել, ինչպես նաև հավելեցին, որ այդ երիտասարդ կինը, ով հիմա կանգնած է ամուսնալուծության շեմին միակը չէ կոլեկտիվում ով սեռական կապի մեջ է տնօրենի հետ: Ավելին, ըստ ՇՊՀ քոլեջի մեր աղբյուրների վկայության տնօրենը վերջին ամիսներին ամեն ինչ արել է,որ աշխատակիցները որքան հնարավոր է շուտ գնան տուն, որ նա իրեն ազատ զգա քոլեջում:
Ներկայացվածից նաև պարզվում է, որ նամակարգրության մեջ սքրինները ուղարկվել են Դավինյանի կնոջը:
Այս անամոթությունը հատկապես լույս է սփռում հետևյալ հանգամանքի վրա: Սույն թվի հունիսի 23-ին բազմաթիվ ընթացակարգային խախտումներով ՇՊՀ-ում տեղի ունեցան կառուցվածքային փոփոխություններ և դրանց նպատակն ընդամենը մի քանի աշխատակցուհիներին կրճատելն էր: Պարզվում է՝ ռեկտոր Երվանդ Սերոբյանն իրեն հատուկ պարզունակ ոճով, իբր ոչ մեկին չի պատրաստվում ազատել աշխատանքից, այդ 4-5 աշխատակցուհիներին պարբերաբար ուղղորդել է ՇՊՀ-ի քոլեջ աշխատելու, այն դեպքում, երբ գիտեր քոլեջի տնօրենի խայտառակ վարքի մասին շրջանառվող լուրերը: Ավելին, ըստ ՇՊՀ մեր աղբյուրների, նույն Դավինյանը, երբ իր գործավարուհուն նշանակել է քոլեջի փոխտնօրեն, բուհի վարչական մասուն ռեկտոր Սերոբյանին բարձրաձայն առաջարկել է «մի լավիկի ուղարկել իր մոտ», որը լսել են ՇՊՀ վարչական մասին բազմաթիվ աշխատակիցներ:
Անշուշտ, Գյումրիի նման փոքր քաղաքում հոռի բարքերը հնարավոր չէր թաքցնել ու աշխատակցուհիները հրաժարվում են քոլեջում աշխատելուց: Այս խայտառակ նամակագրությունը ցույց է տալիս իշխանությունների հովանավորյալների հակամանկավարժական ու անբարոյական կենսակերպը, որոնք երիտասարդության տարիների չիրականացած երազանքները փորձում են իրականացնել նույնիսկ մանր պաշտոնների հաշվին:
Ինչ վերաբերում է ՇՊՀ-ի հոգաբարձուների խորհրդի նախագահ Լևոն Բարսեղյանին, ապա նա, մեղմ ասած չհամակրելով Երվանդ Սերոբյանին, երբեք չի համարձակվի վերջինիս հետ առճակատման գնալ, որովհետև Երվանդ Սերոբյանի հովանավորները շատ վերևներից են:
Հավելենք, որ նույն Դավինյան Աշոտը այս իշխանությունների կողմից հովանավորվող «Գյումրին կռնա» կուսակցության ակտիվ անդամներից է:
Վերջին լուրերի համաձայն սեքս սկանդալում հայտնված ՇՊՀ քոլեջի տնօրեն Դավինյան Աշոտը երեքշաբթի եկել է քոլեջ, արձակուրդ է վերցրել և շատ արագ հեռացել է:
ԿԳՄՍՆ նախարարությեուն կա՞, ԿԳՄՍՆ նախարար կա՞, թե ՇՊՀ քոլեջը հարեմի վերածած Դավինյանն ու նրա հովանավոր Սերոբյանն անպատիժ են մնալու:

Առավել նեղ անձնական տիրույթ չմտնելու նկատառումից ելնելով՝ մենք լուսանկարները չենք հրապարակում։


                                                                  
                                        Լ․ Սիրադեղյան