«Սասնա ծռերի» գործ. «Մլիցեքի ասածը հալած յուղի տեղ եք ընդունում»
«Սասնա ծռեր» զինված խմբի անդամներից 14-ի գործով դատական նիստին ամբաստանյալների պաշտպանները նշեցին, որ դատավոր Արտուշ Գաբրիելյանը գնահատական չտվեց այն փաստին, որ ոստիկանները հրազենային վիրավորում ունեցող ամբաստանյալ Հովհաննես Հարությունյանի հանդեպ ուժ կիրառելով տարան: Պաշտպաններից Հարություն Բաղդասարյանը հեգնեց, թե «մլիցեքի ասածին եք հավատում եւ հալած յուղի տեղ ընդունում»: Դատավորն էլ նրա խոսքը մինչև վերջ չլսելով արձագանքեց. «միլցա չէ, ոստիկան»: Հարությունյանի պաշտպան Հայարփի Սարգսյանը միջնորդեց նրան վերադարձնել նիստերի դահլիճ, քանի որ նրա ներկայացրած՝ դատավորի ինքնաբացարկի միջնորդությունը կիսատ մնաց: Սակայն, դատավորը մերժեց միջնորդությունը: Նիստ կրկին ընդմիջվեց:
Հետևեք մեզ Viber-ում
