Ինչու է Անդրեյ Մալախովը վիճել ռուսական Առաջին ալիքի ղեկավարության հետ
Ռուսական Առաջին ալիքը որոշել է հայտնի հաղորդավար Անդրեյ Մալախովի «Թող խոսեն» թոք-շոուին ավելացնել ավելի շատ քաղաքական թեմաներ, սակայն դա նրան դուր չի եկել և նրանք համաձայնության չեն եկել: Դա էլ դարձել է կոնֆլիկտի պատճառ, ինչի հետևանքով Մալախովը սպառնացել է լքել հեռուստաալիքը: Վերջին շրջանում հեռուստահաղորդավարը կոնֆլիկտներ է ունեցել հեռուստաալիքի ղեավարության հետ։ Խնդիրները սկսվել էին դեռ մայիսին, երբ հեռուստաալիք վերադարձավ պրոդյուսեր Նատալյա Նիկոնովան։ Նշվում է, որ Նիկոնովայի առաջ խնդիր է դրված ավելի շատ քաղաքական թեմաներ ավելացնել թոք շոուին, որը ներկայացնում է առավելապես սոցիալական թեմաներ։ Անդրեյ Մալախովի՝ հեռուստաալիքը լքելու հնարավորության մասին շաբաթվա սկզբին հայտնել է РБК-ն։ Տեղեկությունը հաստատել են հեռուստաալիքում երեք աղբյուր, որոնք չեն ցանկացել հրապարակել իրենց անունները։
Հետևեք մեզ Viber-ում
