Արտակարգ դեպք Վայոց Ձորի մարզում. «Ուլի կաթ» մականվամբ 31–ամյա երիտասարդը սպանել է հարևանի ուլերին
SHAMSHYAN.com-ի տեղեկություններով՝ երեկ ՝ օգոստոսի 1-ին, արտակարգ դեպք է տեղի ունեցել Վայոց Ձորի մարզում: Ժամը 08:20-ի սահմաններում Զառիթափ գյուղի բնակիչ, 55-ամյա Սոս Ասլանյանը ոստիկանության Վայքի բաժին հայտնել է, որ իր հարևանը Զառիթափ գյուղում գտնվող, իրեն պատկանող տնամերձ հողամասում իր մոտ եղած հրացանով կրակել և սատկացրել է իրեն պատկանող 2 ուլիկներին: Ինչպես հայտնում է ֆոտոլրագրող Գագիկ Շամշյանը, գյուղ են մեկնել ոստիկանության Վայքի բաժնի օպերատիվ խումբը՝ բաժնի պետ Դավթյանի գլխավորությամբ: Ոստիկանները պարզել են, որ կրակողը եղել է 31-ամյա Համլետ Սիրեկանյանը՝ իրեն պատկանող MR-155 տիպի 12 տրամաչափի մեկ փողանի ողորկափող որսորդական հրացանով: Թե ինչն է եղել հարևանի կողմից հարևանի ուլիկներին սպանելու պատճառը՝ հետաքննություն է սկսվել ոստիկանության Վայքի բաժնի հետաքննչական բաժանմունքում: Գ. Շամշյանի տեղեկություններով՝ ուլիկների վրա կրակած Հ. Սիրեկանյանին գյուղում ավելի շատ ճանաչում են «Ուլի կաթ» մականվամբ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հետևեք մեզ Viber-ում
