Նոր վեչե` Մայդանում
Կիևի Անկախության հրապարակում այսօր մտադիր են հերթական վեչեն (հանրային ժողով) անցկացնել: Ինչպես փոխանցում է Корреспондент-ը` այս մասին հայտնել է Մայդան-3-ի առաջնորդներից մեկը` Անդրեյ Ֆոման: Նա հայտնել է, որ այսօր` տեղի ժամանակով 18:00-ին, Մայդանում այսպես կոչված` վեչե կանցկացվի, որի մասնակիցները կհնչեցնեն իրենց հետագա պահանջներն ու կհամակարգեն հետագա գործողությունների ծրագիրը: Ցուցարարը նշել է նաև, որ թույլ չեն տա հավաքել ուկրաինական մայրքաղաքի գլխավոր հրապարակում տեղադրված միակ վրանը, որտեղ մտադիր են ստեղծել իրեն համակարգող շտաբը: Հիշեցնենք, որ շաբաթ երեկոյան Մայդանում վրաններ տեղակայելու համար բախումներ էին տեղի ունեցել ցուցարարների և օրինապահների միջև:
Հետևեք մեզ Viber-ում
