Իրանը դեմ չէ «Զանգեզուրի միջանցքի» ստեղծմանը. Ադրբեջանում ԻԻՀ դեսպան
Իրանը երկար տարիներ ապահովել է Ադրբեջանը Նախիջևանին կապող հիմնական ճանապարհը, դա շարունակվում է նաև այսօր, ասել է Ադրբեջանում Իրանի դեսպան Սեիդ Աբբաս Մուսավին՝ լրագրողների հետ զրույցի ժամանակ։
ԱՊԱ գործակալության հաղորդմամբ, դեսպանը հավելել է, որ Իրանն ընդլայնում է տրանսպորտային կապերն Ադրբեջանի հետ։ Սեյիդ Աբբաս Մուսավին հայտարարել է, թե Իրանը դեմ չէ այսպես կոչված` «Զանգեզուրի միջանցքի» ստեղծմանը, հաղորդում է Trend-ը:
«Իրանը դեմ չէ «Զանգեզուրի միջանցքի» ստեղծմանը, իսկ եղբայրական Ադրբեջանի հետ մենք ունենք հիմնական միջանցք, այն 30 տարի է, ինչ կապ է ապահովում Նախիջևանի հետ: Այդ կապն իրականացվել է իրանական հողերով, եւ բնական է, որ պետք է լինեն այլընտրանքային միջանցքներ։ Ինչ վերաբերում է նոր միջանցքին, ապա այն կախված է Ադրբեջանից և Հայաստանից և միջազգային խնդիր է։ Մեր երկրի սկզբունքն այն է, որ մի երկիր չի կարող ազդել մեկ այլ երկրի, այդ թվում՝ հարեւանների ազգային շահերի վրա», - ասել է նա:
Հետևեք մեզ Viber-ում
