Պուտինը ռուսական բանակի անձնակազմը 2 միլիոնի է հասցրել

ՌԴ նախագահ Վլադիմիր Պուտինը հրամանագիր է ստորագրել 2023 թ. հունվարի 1-ից Զինված ուժերի (ԶՈւ) անձնակազմը 137 հազարով ավելացնելու մասին։ Զինված ուժերի ընդհանուր կազմն այսուհետ կլինի 2 039 758 մարդ, որից 1 150 628-ը՝ զինվորականներ, գրում է «Կոմերսանտ»-ը։

2017 թ. նոյեմբերի 17-ի նախորդ հրամանագրով սահմանվել էր, որ ՌԴ ԶՈւ թիվը 1.902.758 մարդ է կազմում, այդ թվում՝ 1.013.628 զինվորական։ Այն գործում էր 2018 թ. հունվարից։

2022-2024 թթ. բյուջեի նախագծի բաց մասի համաձայն՝ 2022 թ. Ռուսաստանի զինված ուժերի վրա կծախսվի 1067.3 միլիարդ ռուբլի, 2023-ին՝ 1.110.6 միլիարդ ռուբլի, 2024 թ՝ 1.143.7 միլիարդ ռուբլի։