Մենք թույլ չենք տա չարակամներին սեպ խրել մեր երկրների և ժողովուրդների միջև. Միշուստին

Միջազգային հարաբերություններում բարդ ժամանակներ են, բայց ԵԱՏՄ պետությունները համակարգված արձագանքում են մարտահրավերներին` թույլ չտալով, որ իրենց տնտեսությունները փլուզվեն։ «ՌԻԱ Նովոստի»-ի հաղորդմամբ՝ այս հայտարարությունն արել է ՌԴ վարչապետ Միխայիլ Միշուստինը

«Պատժամիջոցների պայմաններում մեր երկրների համար լրացուցիչ հնարավորություններ են բացվում, և ես կարծում եմ, որ այժմ շատ կարևոր է դրանցից գրագետ օգտվելը»,- ասել է նա։

Ռուսաստանի վարչապետի խոսքով` անհրաժեշտ է բացառել միության շրջանակում համագործակցելու արհեստական խոչընդոտները և թույլ չտալ, որ նոր արգելքներ ի հայտ գան։

«Համոզված եմ, որ մենք թույլ չենք տա չարակամներին սեպ խրել մեր երկրների և ժողովուրդների միջև»,- հավելել է նա։