Սպանության չէր գնա․ գյուղապետը՝ Շամիրամում տեղի ունեցած սպանության մեջ կասկածվողի մասին .Հրապարակ
Հրապարակը գրում է.Նորմալ, իրա համար աշխատող մարդ ա։ Ընտանիք ունի՝ կին, երեխա, հայրը մահացել ա։ Ինքը չի աշխատում, անասնապահությամբ էր զբաղվում։ Այս մասին մեզ հետ զրույցում ասաց Մյասնիկյան համայնքի գյուղապետ Տիգրան Բաղդասարյանը՝ անդրադառնալով իրենց համագյուղացի Թելման Քալաշյանին, որը կասկածվում է այսօր Արագածոտնի մարզի Շամիրամ համայնքում տեղի ունեցած սպանությունը կատարելու մեջ։ Գյուղապետն ասաց, որ ինքը մանրամասների չի տիրապետում, ինքն էլ է լսել, որ դեպքը տեղի է ունեցել կենցաղային խնդիրների պատճառով։ Հարցին՝ ընտանիքի անդամները ի՞նչ են ասում կատարվածի հետ կապված, գյուղապետն ասաց, որ նրանք այժմ գյուղում չեն, գտնվում են ամառանոցում։ Համայնքապետն նաեւ նշեց, որ Քալաշյանն անասնապահությամբ է զբաղվում, սարեր է գնում։ Հարցին՝ կռվարա՞ր է, ագրեսիվ վարք ունի՞, Տիգրան Բաղդասարյանն ասաց․ «Ոչ նենց, ոչ նենց, օրինական ձեռք բերած հրացան ուներ, սպանության բայց չէր գնա»։ Հիշեցնենք, որ Արագածոտնի մարզի Շամիրամ գյուղում անհայտ անձը մտել է գերեզմանատան մոտ գտնվող սգո սրահը եւ կրակել այնտեղ գտնվող անձանց վրա: Նախնական տվյալներով՝ կա 4 զոհ եւ 7 վիրավոր: Նշենք, որ Շամիրամը եզդիաբնակ գյուղ է, կասկածյալը որոնվում է
Հետևեք մեզ Viber-ում
