Ստոր, դաժան հանցագործություն. Պուտինն արձագանքել է Դուգինի դստեր սպանությանը
«Ստոր, դաժան հանցագործությունը վերջ դրեց Դարյա Դուգինայի կյանքին»:
Այս մասին ասված է ՌԴ նախագահ Վլադիմիր Պուտինի ցավակցական հեռագրում՝ ռուս լրագրող, քաղաքագետ Դարյա Դուգինայի աղմկահարույց սպանության առթիվ, փոխանցում է Կրեմլի մամուլի ծառայությունը:
Պուտինը նշել է, որ «Դուգինան ազնվորեն ծառայել է մարդկանց, Հայրենիքին, գործով ապացուցել, ինչ է նշանակում լինել Ռուսաստանի հայրենասեր զավակ»:
Հիշեցնենք, որ նախօրեին Մոսկվայի Մոժայսկոե խճուղում պայթեցրել են ռուսաստանցի հասարակական գործիչ Ալեքսանդր Դուգինին պատկանող Land Cruiser ավտոմեքենան, որը վարելիս է եղել նրա 30-ամյա դուստրը՝ Դարյա Դուգինան։ Վերջինս տեղում մահացել է:
Քննչական կոմիտեի տվյալներով՝ ավտոմեքենայում, ենթադրաբար, պայթուցիկ սարք է գործարկվել։ Պայթյունը որոտացել է, երբ մեքենան ընթացքի մեջ է եղել։ Ենթադրաբար, պայթուցիկը նախատեսված է եղել հորը՝ Դուգինին սպանելու համար։
Հետևեք մեզ Viber-ում
