ԱԱԾ-ից արձագանքել են hayeli.am-ի ահազանգին
«Հայելի Ակումբ» Ժողաջակցության Հասարակական Կազմակերպության, «ՀԱՅԵԼԻ» լրատվական-վերլուծական գործակալության գլխավոր խմբագիր, հիմնադիր Անժելա Թովմասյանը 20.07.22թ դիմել էր ԱԱԾ, որտեղ, մասնավորապես նշել էր.
«Գունավոր հեղափոխությունից հետո ԱԱԾ և Ոստիկանության հերթական բացթողումներից մեկը համացանցի հայկական տիրույթում, մասնավորապես՝ Սոցիալական ցանցերում՝ Ֆեյսբուք, Յութուբ և այլ հարթակներում, ֆեյքային կայքերի, էջերի, խմբերի և անձնական պրոֆիլների զանգվածային ստեղծումն էր: Փաստացի դրանք զբաղված են հեղափոխական ուժերի գովազդով և զանգվածների բթեցմամբ: Նրանք հանրությանը մատուցում են հայհոյանքով, կեղծ տեղեկատվությամբ, հանրային ընդդիմադիր ուժերի, մարդկանց նկատմամբ զրպարտանքով, ատելության խոսքով, հայհոյանքով զետեղված նյութեր: Աբսուրդից ու կեղծ տեղեկատվությունից զատ բանը հասնում է մինչև սրբապղծության բառի բուն իմաստով, ինչպես օրինակ Հայ Առաքելական Սուրբ Եկեղեցու, զոհված զինծառայողների և այլնի մասին հերյուրանքները: Արդյունքը հայհոյանքին, ատելությանը և կեղծ տեղեկատվությանը սովոր հասարակությունն է:
Նորից թիրախում հայտնվել եմ ես և ՀԱՅԵԼԻ մամուլի Ակումբը: Իմ անձի վերաբերյալ վերջին շրջանում տարածվում են սուտ, կեղծիք, հերյուրանք և իմ հանրային բարի համբավը զրպարտող տեղեկատվություն: Մասնավորապես՝ այդ ֆեյքերը փորձում են ինձ վրա բարդել մտավորական, մեծ հայրենասեր, իմ լավ բարեկամ Արմեն Գրիգորյանի խոշտանգումն։ Մահը դատարանի դահլիճում բոլորի աչքի առաջ առնվազն ինչ-որ չափով ԱԱԾ կամ ավելի կոնկրետ՝ ԱԱԾ քննչական դեպարտամենտի պետի, կալանքի որոշում կայացնող դատավորի և քաղաքական հրահանգը իջեցնող ուժի պատասխանատվությամբ է տեղի ունեցել: Կից ներկայացնում եմ այդ նյութերից որոշները: Ցանկացած քրիստոնեա կարող է ասել, որ մահացած մարդու վերաբերյալ նման հերյուրանքներ գրելը կատարյալ սրբապղծություն է:
Ընդունեք սա որպես հաղորդում հանցագործության մասին: Խնդրում և պահանջում եմ գտնել և պատժել այս հերյուրանքները տարածող ուժերին: Հանցագործության մասին հաղորդումը պատրաստվում եմ անել նաև հանրային կերպով:
Հ․Գ․ Կից նյութերը eRequest համակարգով ուղղարկվել են ԱԱԾ»:
Այսօր ի պատասխան այս դիմումի՝ ՀՀ ԱԱԾ տնօրենի աշխատակազմի ղեկավար Ն. Մարգարյանը պատասխանել , որ նշված՝ ՀՀ ԱԱԾ հասցեագրված 20.07.22 թիվ հանցագործության մասին հաղորդումը վերահասցեագրվել է ՀՀ Քնչական կոմիտեի Երևան քաղաքի քննչական վարչություն:
Հետևեք մեզ Viber-ում
