Սաակաշվիլին Պորոշենկոյին պաշտոնանկ կանի
Վրաստանի նախկին նախագահ Միխեիլ Սաակաշվիլին վստահ է, որ Կիև իր վերադարձի ֆոնին տեղի կունենա Ուկրաինայի նախագահի պաշտոնից Պյոտր Պորոշենկոյի պաշտոնանկություն: Այս մասին Սաակաշվիլին ասել է վրացական «Ռուսթավի 2» հեռուստաընկերության եթերում: Սաակաշվիլիի խոսքով՝ Պորոշենկոն հուլիսի 7-19-ին Վրաստան պետական այցի ժամանակ գաղտնի հանդիպել է այդ երկրի նախկին վարչապետ միլիարդատեր Բիձինա Իվանիշվիլիի հետ: Սաակաշվիլիի պնդմամբ՝ նրանք հանդիպման ժամանակ պայմանավորվել են, որ վրացի դատախազները Կիևին կեղծ ապացույցներ կտրամադրեն, որոնք հիմք կհանդիսանան Սաակաշվիլիին քրեական հանցագործությունների մեղադրանքներ ներկայացնելու համար: «Պորոշենկոյին ավելի ձեռնտու կլիներ ինձ Կիևում ձերբակալելը և վրացական կողմին հանձնելը, բայց Իվանիշվիլին չի ուզում, որ ես Վրաստանում գտնվեմ, դա նրա համար խնդիր կլիներ… կգա ժամանակ, երբ այդ խնդիրը կծառանա նրա առջև, բայց իմ ժամանումն ուրիշ ձևով կլինի: Պորոշենկոն ոչ մի կերպ չի ազատվել ինձնից, ընդհակառակը՝ նրա գործողությունը միավորել է ուկրաինական ամբողջ ընդդիմությանը… նորագույն պատմության մեջ շատ են օրինակները, երբ առաջնորդն ուզում է երկրից վտարել իր հակառակորդին, իսկ հակառակորդը վերադառնում է և իրականացնում է պաշտոնից այդ առաջնորդի պաշտոնանկություն: Հենց դա տեղի կունենա նաև Ուկրաինայում»,- ասել է Սաակաշվիլին:
Հետևեք մեզ Viber-ում
