Արդարադատության նախարարը՝ դատարանի դահլիճում Արմեն Գրիգորյանի սպանության մասին (video)
Արդարադատության նախարար Կարեն Անդրեասյանն այսօր անդրադարձավ պրոդյուսեր Արմեն Գրիգորյանի՝ դատարանի դահլիճում մահվան դեպքին: Ասաց՝ առիթ չի ունեցել ասելու՝ իր խորը ցավն է արտահայտում:
«Ցանկացած մարդու մահ ողբերգություն է, տվյալ դեպքում մենք հրապարակել ենք, որ ՔԿՀ-ում չի եղել բժշկական թեկուզ մեկ խնդիր, որը տեղում չի լուծվել իր հետ կապված, լուրջ խնդիրներ, լուրջ բողոքներ չեն եղել, որ վերանայվի խափանման միջոցը», - կառավարությունում լրագրողների հետ զրույցում հայտարարեց Անդրեասյանը:
Ինչ վերաբերում է մյուս բոլոր կալանավորներին, ովքեր ունեն առողջական խնդիրներ, նախարարն ասաց, թե ամեն ինչ անում են, որ ոչ մի ազատազրկված անձ բժշկական խնդիրներով չունենա պրոբլեմ:
«Մենք իրենց մասին իսկապես հոգ ենք տանում», - վստահեցրեց Անդրեասյանը:
Նա ընդգծեց՝ ցանկացած ողբերգություն պետք է ազդակ լինի բոլոր մարմիններին, այդ թվում՝ դատարաններին, էլ ավելի ուշադիր նայել, երբ բողոքներ կան ազատազրկված անձանցից:
Նախարարը հույս ունի, որ առանձին մարդիկ չեն շահարկի կամ չարաշահի որևէ դեպք, որևէ ողբերգություն, որպեսզի «կեղծ առողջական խնդիրների անվան տակ փորձեն խուսափել արդարադատությունից»:
Հետևեք մեզ Viber-ում
