Հերի՛ք է մեզ հետ խաղեր խաղաք․ ի՞նչ են ասել արցախցիները՝ կառավարության ներկայացուցչին (video)
Եթե տեղահանվածների համար համայնքներ չկառուցվեն, պարզ կդառնա, որ կառավարության նպատակը տեղահանված արցախցիներին հետագայում Արցախ վերադարձնելը չի լինելու: Այս մասին այսօր` հուլիսի 7-ին, կառավարության մոտ բողոքի ակցիայի ժամանակ լրագրողների հետ զրույցում ասաց «Հանուն Հադրութի» ՀԿ նախագահ Լևոն Հայրյանը:
«Անցած հավաքին մենք հայտնել էինք մեր չորս պահանջները: Այդ չորս պահանջներն են Արցախի հայկական կարգավիճակը, քանի որ Արցախի հայկական կարգավիճակը պետք է ողջ հայությանը: Երկրորդ պահանջը փախստականի կարգավիճակի ճշտումն է: Անցած հավաքին մենք հայտնել էինք մեր պահանջները: Մեկ շաբաթ առաջ մեզ ընդունել է Մհեր Գրիգորյանի աշխատակազմի ղեկավարը: Ես նրան ասել եմ, որ բավական է մեր ժողովրդի հետ խաղեր խաղաղ: Որտեղ պետք է Արցախի իշխանություններ են ասում, որտեղ պետք է Հայաստանի իշխանություններ: Այդ հանդիպման ժամանակ մի հետաքրքիր հարց հնչեց՝ ինչով են զբաղվում մեր երկու կառավարությունները, որ Արցախից տեղահանված 140 000 բնակիչները չունեն քաղաքացիություն: Իրենք ասում են՝ ինչո՞ւ ես դու այդքանի անունից խոսում: Ես խոսում եմ, քանի որ այդ 140 000 մեկ մասնիկն եմ»,- ասաց նա:
Հետևեք մեզ Viber-ում
