«ԲԱՑ ՆԱՄԱԿ ՀԱՅԱՍՏԱՆՈՒՄ ՌԴ ԴԵՍՊԱՆԻՆ». Մի խումբ երիտասարդներ դիմում են դեսպանատանը
ԲԱՑ ՆԱՄԱԿ ՀԱՅԱՍՏԱՆՈՒՄ ՌԴ ԴԵՍՊԱՆԻՆ
Հարգելի՛ պարոն Սերգեյ Կոպիրկին,
2018 թվականին Հայաստանում տեղի ունեցած գունավոր հեղափոխությունից հետո Հայաստանի Հանրապետության նոր իշխանությունների վարած քաղաքականությունը ներքաղաքական տիրույթում Ռուսաստանի Դաշնության հետ հարաբերություններում առնվազն ոչ միանշանակ է: ՌԴ մասին քննադատողական, վարկաբեկիչ և կեղծ հայտարարություններից զատ՝ ՀՀ հեղափոխական իշխանությունները գնում են նաև կոնկրետ գործողությունների: Վառ օրինակ է հայազգի պրոդյուսեր, մտավորական, հայ-ռուսական հարաբերությունների ջատագով ու հավատարիմ աջակից և վերջի վերջո ՌԴ քաղաքացի Արմեն Գրիգորյանի սպանությունը: Իր ակտիվ քաղաքացիական, պռոռուսական-պռոհայկական դիրքորոշման համար կեղծ և ոչ իրավաչապ կալանքի միջոցով խոշտանգումների ենթարկվելուց հետո նա մահացավ հենց դատական նիստի ժամանակ: Պռոռուսական դիրքորոշում ունեցող հասարակական գործիչների և ՌԴ քաղաքացիների նկատմամբ նման ուղղորդված և կոնկրետ քայլերը իշխանությունների կողմից բազմաթիվ են: Այլ, հերթական օրինակը բլոգեր Միկա Բադալյանի կալանքն է ՌԴ դեսպանատան դիմաց ակցիայի համար՝ ի աջակցություն ռուսական Զինված Ուժերի կողմից Ուկրաինայում իրականացվող հատուկ ռազմական գործողության ընդդեմ նացիստների:
Այս չորս տարիների ընթացքում ՌԴ դեսպանատունը առնվազն հանրային տիրույթում դրսևորել է տարօրինակ լռություն և պասիվություն: Սա հատկապես վերաբերում է ՌԴ քաղաքացիների ու պռոռուսական դիրքորոշում ունեցող ուժերի իրավունքները պաշտպանելուն: Սրա արդյունքում Հայաստանում ավելի են ուժգնանում հակառուսական քարոզչությունը և հետևաբար, տրամադրվածությունը հասարակության կողմից: Բանը հասել է նրան, որ ավանդական կերպով պռոռուսական դիրքորոշում ունեցող հասարակական-քաղաքական գործիչները այլևս վախենում են հանրայնորեն խոսել, պաշտպանել ՌԴ իրավունքները, գործողությունները և դաշնակցային հարաբերությունները Հայաստանի հետ:
Միթե՞ Ռուսաստանը անգամ բարեկամ Հայաստանում է պարտվում արևմտյան քարոզչամեքենային և «փափուկ ուժին»: Հարցը հռետորական և գնահատողական չէ, այլ ենթադրում է պատասխան՝ հստակեցնելու Արմեն Գրիգորյանի նման ՌԴ քաղաքացիների համար՝ արդյոք նրանք նույնպես կզոհվեն դատարանի դահլիճում թե Ռուսաստանը ի զորու կլինի բարեկամ Հայաստանում ապահովել նրանց իրավունքները:
Հայտարարությունը բաց է Հասարակական Կազմակերպությունների և քաղաքացիների ստորագրման համար
Հետևեք մեզ Viber-ում
