«Ընդունել ենք բոլոր նրանց, որոնք կարող էին բերանը բացել».Ռուբեն Բաբայան
«Որքան մարդ կա եւ ուզում է ստանալ բարձրագույն կրթություն, բոլորը կարող են բավարարել իրենց ցանկությունները»,-Հայելի ակումբում հրավիրված ասուլիսում նման հայտարարություն արեց «Հայբուսակ» համալսարանի ղեկավար Անահիտ Հարությունյանը և ասաց,որ ԲՈՒՀ-երի դիմորդական տեղերի 60 տոկոս թափուր մնալու մեջ տարօրինակ ոչինչ չի տեսնում՝ պետությունը թող մտածի: «Ստեղծված խնդիրը իսկապես ծանր է անդրադառնալու դասախոսական կազմի վրա, բազմաթիվ մասնագիտությունների դասախոսներ մնալու են առանց աշխատանքի: Այդ դասախոսներին ինչ-որ ձեւով պետք է բեռնել, զբաղեցնել»: Ռուբեն Բաբայանը թատերական ինստիտուտում դերասանի վարպետության դասախոս է եւ ամբիոնի վարիչ է: Ընդունել է բոլորին, ովքեր դիմել են. «Բոլոր նրանց, ովքեր կարող էին բերանը բացել: Փակելու մասին էլ չեմ ասում: Փակում էինք մենք ինքներս, որպեսզի տպավորություն ստեղծվի, որ ինչ-որ գործողություն է կատարվում»: Ռուբեն Բաբայանը նկատում է, որ պետությունը պետք է ունենա բուհական մարկետինգ եւ այսուհետեւ կարողանա պատճառաբանել, թե որ մասնագիտության համար ինչու է հատկացնում որոշակի տեղեր:
Հետևեք մեզ Viber-ում
