Կրակել են Ճապոնիայի նախկին վարչապետ Սինձո Աբեին. նա կյանքի նշաններ ցույց չի տալիս. video

Japan Times-ի տեղեկացմամբ` անհայտ անձը կրակել է Ճապոնիայի նախկին վարչապետ Սինձո Աբեին, Ճապոնիայի հետպատերազմյան պատմության ամենաազդեցիկ ղեկավարներից մեկը վիրավորել է կրծքավանդակի շրջանում։ Նախկին վարչապետին հիվանդանոց են հասցրել անգիտակից վիճակում, նրա կրծքավանդակից արյուն էր հոսում։ Ոստիկանությունը կալանավորել է մի տղամարդու, որը կասկածվում է Աբեի դեմ հարձակման մեջ։

Դեպքը տեղի է ունեցել այն ժամանակ, երբ նա ելույթ էր ունենում Նարա քաղաքում՝ դրսում դրված ամբիոնի մոտ: Ավագ դպրոցի աշակերտները, որոնք հրաձգության վկաներն են դարձել, NHK-ին ասել են, որ տղամարդը մոտեցել է թիկունքից եւ երկու կրակոց արձակել։

«Առաջին կրակոցը հնչել է խաղալիքի ձայնի պես, որից հետո տղամարդը հետ է գնացել»,- ասել է աշակերտուհիներից մեկը՝ հավելելով, որ երբ հնչել է երկրորդ կրակոցը, սպիտակ ծուխ է բարձրացել։

Աբեին բժշկական ուղղաթիռով հասցրել են հիվանդանոց։  

Տղամարդուն կալանավորել են, տեղեկացրել է Kyodo News-ը։