Թագուհի Թովմասյանը՝ ընդդիմության լակմուսի թուղթ Նիկոլի

Նիկոլի խորհրդարանական ուսապարկերը մեկ մարդու նման նախօրեին քվեարկեցին եւ պաշտոնազրկեցին ԱԺ փոխնախագահ Իշխան Սաղաթելյանին եւ Տնտեսական հարցերի մշտական հանձնաժողովի նախագահ Վահե Հակոբյանին։ Դոնթի բանաձեւով ընդդիմության քվոտայով հանձնաժողովի նախագահի եւ փոխնախագահների պաշտոն ստացածները, բացառությամբ Մարդու իրավունքների հանձնաժողովի նախագահ Թագուհի Թովմասյանի, անմիջապես վայր դրեցին իրենց լիազորությունները։
Ի դեպ, Թագուհի Թովմասյանը զբաղեցնում է «Հայաստան» դաշինքի քվոտան, քանզի Դոնթի բանաձեւով «Պատիվ ունեմ» խմբակցությանը հանձնաժողովի նախագահի քվոտա չէր հասնում։

«Հայաստան» դաշինքի քվոտան հետ չտալուց հետո Թովմասյանը հայտարարություն տարածեց, որով ընդդիմությանը խորհուրդ տվեց մաքուր օդում մի թեթեւ օդափոխվել։ Այսինքն՝ ակնհայտ հեգնեց ընդդիմությանը, որին մինչ այս պահը ընդդիմությունից որեւէ մեկը չի արձագանքել։ Մինչդեռ, ԱԺ կանոնակարգ-օրենքը հստակ նախատեսում է հանձնաժողովի նախագահի հետկանչի մեխանիզմ եւ առնվազն զարմանալի է, որ «Հայաստան» եւ «Պատիվ ունեմ» դաշինքները չեն օգտվում օրենքի այդ հնարավորությունից եւ օրենքով սահմանված կարգով՝ չեն բարձրացնում ընդդիմությանը Թովմասյանի հետկանչի հարցը։

Ուստի, որքան էլ տարօրինակ թվա, Թագուհի Թովմասյանի հարցը այսօր խորհրդարանական ընդդիմության համար լակումուսի թուղթ է, ընդդիմության հետագա քայլերի հանդեպ հանրային վստահության չափման միավոր։