Միայն ոչ բյուջեի նվազում

«Ցավոք, այդպես նախատեսվում է, մենք մեծ հույսեր ունենք, որ կհիմնավորենք մեր ծրագրերը, և բյուջեի քչացում տեղի չի ունենա: Սակայն եթե այդպիսի քայլի դիմի կառավարությունը կամա թե ակամա, ապա մենք ձեռնամուխ ենք եղել արդյունավետության բարձրացման ծրագրին, որն իր արդյունքները տվել է. այդ տնտեսումների հաշվին մենք կկարողանանք կրճատել մեր բյուջեն՝ առանց ծառայությունների որակը վատթարացնելու:Հիմնականում ադմինիստրատիվ ծախսերի, գնումների գործընթացի կենտրոնացման և տենդերային գների իջեցման հաշվին կլինի այդ ամենը »,-կառավարության նիստից հետո,ՀՀ առողջապահության նախարար Լևոն Ալթունյանը լրագրողների հետ զրույցում անդրադարձավ միջնաժամկետ ծախսերի ծրագրով նախատեսված՝ առողջապահության ոլորտին հատկացվող ծախսերի կրճատմանը՝ 2 տարի անց: Ցանկացած սցենարում չենք նախատեսել կրճատումներ այն գումարներից, որոնք ուղղած կլինեն 612 հազար սոցիալապես անապահով խավի ապահովագրությանը: Խոսքը մոտավորապես 14 միլիարդ դրամի մասին է,ասաց նախարարը: Անդրադառնալով պարտադիր բժշկական ապահովագրության ներդրման խնդին և նշեց, որ այսօր ընդունված նախագիծը վերաբերում է միայն սոցփաթեթի շահառուների ներգրավմանը ապահովագրական գործընթացի մեջ: «Եթե մինչ օրս մենք ունեինք կանխավճարային մոդիֆիկացիա, այսօր որոշում ընդունվեց, որ սեպտեմբերից այդ գործընթացը լինի ապահովագրական բանաձևով՝ այսինքն` հետվճարային:Բոլոր հայտ ներկայացրած ընկերությունների հետ համագործակցություն է լինելու:Հայաստանի շուկայում գործում է 6 ապահովագրական ընկերություն, եթե չեմ սխալվում, բոլորն էլ հայտ են ներկայացրել մասնակցելու այդ ծրագրին»,-ասաց նա: «Որպեսզի հասկանալ լինի հետվճարային համակարգը, ապա պարզաբանեմ, որ այսօր ֆինանսական տարվա սկզբին հիվանդանոցներին բաշխվում է ինչ-որ լիմիտավորված գումար, այդ գումարի սահմաններում նրանք ծառայություններ են մատուցում այն քաղաքացիներին, որոնք դիմել են բուժօգնության համար: Այդ գործող բանաձևի ամենամեծ մինուսն այն է, որ եթե հիվանդանոցը լավ է սպասարկում և հաճախորդների շրջանում պահանջարկ ունի, նրա գումարները ավարտվում են օրացույցային տարվա ավարտից շատ ավելի շուտ, և հերթեր են կուտակվում: Իսկ այն հիվանդանոցները, որոնք առանձնապես պոպուլյար չեն մեր բնակչության շրջանակներում նրանք այդ գումարը ունենում են մինչև տարվա վերջ, և ավելանում է այդ գումարը: Այսուհետև սոցիալական փաթեթի աշխատակիցների համար նախատեսված գումարը չի բաշխվելու տարվա սկզբին, ստեղծվելու է ռեզերվային ֆոնդեր ապահովագրական ընկերությունների ներքո և որևէ հիվանդանոց դիմելիս պետք կլինի միայն զանգահարել ապահովագրական ընկերություն և տեղյակ պահել, որ նա որոշել է բուժվել այս կամ այն բուժհաստատությունում, որից հետո ապահովագրական ընկերություն- բուժհաստատություններ հարաբերություններն են ուժի մեջ մտնում, որոնք կանոնակարգվում են այսօրվա ընդունված որոշումով,»,-ասաց նա: