«Ո՞վ է ավելի բարձր գոռում՝ «Բռնի’ր գողին».Շավարշ Քոչարյան
Հայաստանի և Ադրբեջանի նախագահների հանդիպման վերաբերյալ վերջնական որոշում դեռեւս չկա: Կառավարության նիստից հետո լրագրողների հետ զրույցում այդ մասին նշեց ՀՀ արտաքին գործերի փոխնախարար Շավարշ Քոչարյանը՝ ավելացնելով, որ հանդիպում կազմակերպելու առաջարկությամբ հանդես են եկել ԵԱՀԿ Մինսկի խմբի համանախագահները: «Արտգործնախարարներն աշխատում են այդ առաջարկի ուղղությամբ, վերջնական որոշում դեռևս չկա», — ասաց Քոչարյանը:
«Մի պետության հետ գործ ունենք, որ ընդամենը մի բան կարող ենք նշել՝ հայտնի է՝ ով է բոլորից բարձր բղավում՝ «բռնի՛ր գողին»: Հենց գողը: Եվ միայն գողին է ձեռնտու, որպեսզի որևէ հետաքննություն չլինի»,- հայտարարեց Քոչարյանը՝ մեկնաբանելով հայ-ադրբեջանական շփման գծում հետաքննության մեխանիզմների ներդրումից Ադրբեջանի հրաժարվելու փաստը։
Ըստ նրա՝ Պաշտպանության նախարարությունն արձագանքել է ադրբեջանական կողմի՝ հրադադարը խախտելու հայտարարություններին, և նշել, որ դրանց համար որևէ հիմք չկա:
Հետևեք մեզ Viber-ում
