Ռուսաստանը նորից Թուրքիային կոչ է արել ձեռնպահ մնալ

ՌԴ-ն Թուրքիային կոչ է արել չսրել իրավիճակը Սիրիայի հյուսիսում եւ չձեռնարկել քայլեր, որոնք կսպառնային իրավիճակի թեժացմամբ, ասել է Ռուսաստանի ԱԳՆ-ի պաշտոնական ներկայացուցիչ Մարիա Զախարովան, տեղեկացրել է «ՌԻԱ Նովոստի»-ն։

«Մենք կոչ ենք անում թուրք գործընկերներին ձեռնպահ մնալ այնպիսի քայլերից, որոնք կարող էին հանգեցնել լարվածության վտանգավոր սրացման։ Ելնում ենք այն բանից, որ ուժային գործողությունները, առանց համաձայնեցնելու Սիրիայի օրինական իշխանությունների հետ, ինքնիշխանության, տարածքային ամբողջականության խախտում կնշանակեին»,- ասել է Զախարովան ճեպազրույցում։