Նիկոլ Փաշինյանի առցանց ասուլիսի նպատակը

Նիկոլ Փաշինյանի առցանց ասուլիսի նպատակը

1. Սրբագրել իր իսկ արած այն հայտարարությունը՝ «․․․նույն արդյունքը կլիներ առանց զոհերի և պատերազմի»», բայց որն ինքը չի արել՝ հիմնավորելով, թե ինչու չի արել, ինչը մեղմ ձևակերպմամբ հանցավոր անգործություն է։

2. Նշաձողի իջեցման մասին հայտարության արդարացումը։ Իր ոճով անցավ մանիպուլյացիայի, թե նշաձողի իջեցումը սկսվել է 1993 թ-ից, 1996թ-ի Լիսաբոնով, և այդպես շարունակվել է մինչև 2016թ-ի օգոստոս ամիսը՝ թիրախավորելով իր հովանավորներին՝ հանրության ուշադրությունը ևս մեկ անգամ շեղելու և իբր բացառելու իրենց համագործակցությունը։

3. Բարձրաձայնել և նախապատրաստել իր հպատակներին՝ բանավոր պայմանավորվածության արդյունքում հերթական տարածքների հանձման մասին՝ Բերդձոր, Աղավնի։

4. Բանակ չենք ունեցել, եղել է դավաճանների որջ, որով փորձում էր հիմնավորել, թե իրենց իշխանությունն ի՞նչ կարող էր անել՝ չհասկանալով որ դավաճաններն ի հայտ են գալիս այն ժամանակ, երբ ստեղծվում է բարենպաստ միջավայր, մասնավորապես՝ իշխանության չգոյության պատճառով։

5. Սեփականության վերաձևումը և նորացված կոռուպցիոն համակարգի քողարկումը որդու «պրոլետարիատի բանվորի»» քողի տակ։

Եվ այդ ամենն արվում է ժողովրդին պատերազմի վերսկսման սարսափի մեջ պահելով, մասնավորապես՝ ասելով, որ Ադրբեջանի բոլոր քայլերն ուղղված են նոր պատերազմը լեգիտիմացնելու համար։

Եթե այդպես է, ինչու՞ ես շարունակում հասարակությունը պառակտել, Արցախը օտարել, սփյուռքը անտեսել, ինչու՞ ոչ մի քայլ չի արվում սպասվող պատերազմին դիմակայելու համար, ինչպես չարվեց 44-օրյա պատերազմից առաջ, ավելի ճիշտ արվեց հակառակ՝ բանակը զենքով մատակարարելու փոխարեն իրականացրեց «ելակի»» օպերացիան, ՍՈՒ ինքնաթիռներ գնվեց առանց հրթիռների՝ սելֆի անելու համար, անհայրենիք ջահելներին օրենքով, կոռուպցիոն ճանապարհներով պարգևավճարներով սնելով, ժողովրդին սևի ու սպիտակի բաժանելով, իսկ ինքը շարունակում էր մայմունությունները՝ քյալա ու բրդուճ ուտել։

Պետրոս Մակեյան

  «Հրապարակ օրաթերթ»