Կարճ ժամանակում օլիգարխ դառնալու ճանապարհ
Կառավարության կայացրած նոր որոշման համաձայն՝ օդանավակայանի տաքսիները պետք է լինեն նոր և միանման ավտոմոբիլներ։
Կառավարությունն իր որոշումն հիմնավորել է այն հանգմանքով, թե այժմ վիճակը շատ բատ է և հրատապ անհրաժեշտություն կա կարգավորել օդանավակայանների տարածքում տաքսի ծառայության մատուցման գործընթացը:
Նշվում է, որ մինչ այս օդանավակայանների տարածքում մարդատար-տաքսի ավտոմոբիլներով ուղեւորափոխադրումների կազմակերպումն օրենսդրական առանձին կարգավորում չուներ։Որպես հետեւանք՝ այնտեղ տաքսի ծառայությունների մատուցման գործընթացը պատշաճ չի իրականացվում, անբարեխիղճ ծառայություն մատուցողների կողմից դրսեւորվում է անընդունելի վարքագիծ ինչպես ուղեւորների, այնպես էլ միմյանց նկատմամբ, պատվերը ձեռք էր բերվում բանավոր հավաքագրելու միջոցով՝ անհանգստություն պատճառելով քաղաքացիներին եւ հյուրերին:
Նշվում է նաև, որ ծառայության մատուցման համար ներգրավված ավտոմոբիլները հաճախ հին են: ՀՀ մուտք գործող օտարերկրյա քաղաքացիները և զբոսաշրջիկները հայտնվում են անհարմար դրության մեջ, ինչը զբոսաշրջության տեսանկյունից անընդունելի է: Բացի այդ, օդանավակայանի տարածքից տաքսի ծառայություն մատուցելու ցանկություն ունեցող կազմակերպությունները չունեն հնարավորություն օգտվելու տաքսու կայանատեղից, ինչը անհավասար պայմաններ է առաջացնում փոխադրողների համար:
Առաջարկվող նոր կարգավորումներով սահմանվում են օդանավակայանի տաքսի ծառայության կազմակերպման առանձին պայմաններ և պահանջներ, մասնավորապես՝ ներգրավվող ավտոմոբիլի տարիքային սահմանափակում, արտաքին տեսքի և գույնի նկատմամբ պահանջ, ներգրավվող ավտոմոբիլի վառելիքային համակարգի վերասարքավորման արգելք, օդանավակայանի տարածքում տաքսի ծառայության մատուցում իրականացնելու և պատվերը ընդունելու պայմաններ:
Արդյունքում կմատուցվի քաղաքակիրթ և առավել բարձրորակ սպասարկում, ծառայությունների մատուցման գործընթացում կներգրավվեն տարիքով ավելի նոր և միանման արտաքին տեսքով՝ գույնով և մոդելով ավտոմոբիլներ: Կա նաև հավաստիացում, թե կբացառվեն ոլորտում անօրինական փոխադրումները:
Ինքնին հասկանալաի է, որ տարբեր տաքսի ծառայունների կամ անհատ-վարորդների պարագայում միանման և միագույն ավտոմոբիլների պահանջը դժվար կլլինի կատարել։ Ըստ ամենայնի՝ սահմանված են այնպիսի պահանջներ, որոնց իրագործումը հնարավոր կլինի միայն այն դեպքում, եթե օդանավակայանում աշխատի մեկ տաքսի ծառայություն։ Թե ով է լինելու այն երջանիկ ընկերությունը, որին կտրվի օդանավակայանում աշխատելու բացառիկ հնարավորությունը, դեռ պարզ չէ։
Ակնհայտ է, սակայն, որ նման պատվի կարող են արժանանալ միայն իշխանության սիրելիները, որոնց կտրվի գերիշխող դիրք՝ օդանավակայանում տաքսիներ պահելու, ինչպես նաև կարճ ժամանակում օլիգարխ դառնալու համար։
Հայկ Դավթյան
Հետևեք մեզ Viber-ում
