Միլիարդատեր Տիմուր Տուրլովը հրաժարվել է Ռուսաստանի քաղաքացիությունից

Freedom Finance ներդրումային ընկերության հիմնադիրը Ղազախստանի քաղաքացի է դարձել։ Ինչպես նա ասել է Forbes-ին, նա հրաժարվել է ռուսական անձնագրից, գրում է Forbes-ը։

Նախօրեին՝ հունիսի 9-ին, Տուրլովը Instagram-ի իր աքաունթում հայտնել էր, որ ղազախական անձնագիր է ստացել:

Տուրլովի ներկայացուցիչը Forbes-ին բացատրել է, որ Ղազախստանը թույլ չի տալիս երկրորդ քաղաքացիություն ունենալ, ուստի գործարարը ստիպված է եղել հրաժարվել ե՛ւ ռուսական անձնագրից, ե՛ւ Կարիբյան Սենթ Քիթս եւ Նեւիս նահանգի անձնագրից։