Խելքի աշեցեք

Ինչպես հայտնի է, օրերս, ՌԴ ԱԳՆ Սերգեյ Լավրովին չհաջողվեց այցելել Սերբիա, քանի որ երեք փոքր սլավոնական երկրներ՝ Բոլղարիան, Չերնոգորիան և Հյուսիսային Մակեդոնիան թույլ չտվեցին, որ Լավրովի ինքնաթիռը հատի իրենց օդային սահմանները: Այս քայլը, աննախադեպ էր, քանզի 1945 թվականից հետո, նման միջադեպ երկրների հարաբերություններում չեր արձանագրվել: Ընդորում խոսքը գնում է ոչ թե ռազմական ինքնաթիռի, այլ քաղաքացիական ինքնաթիռի թռիչքի արգելման մասին:

Այդ երեք սլավոնական երկրների որոշումները ցույց տվեցին, թե նրանք ինչ աստիճանի են կախված Վաշինգտոնից և միաժամանակ, օգտագործվում են ամենաէժանագին ձևով: Մյուս կողմից, Վաշինգտոնը նման քայլով ցույց տվեց Մոսկվային իր խոցելի դիրքը: Բացի այդ, մեսիջ ուղարկելով Բելգրադին, որ վերջինս գիտակցի, որ չափից դուրս ռուսամետ լինելը վտանգավոր է 21 դարում, հատկապես սերբերի համար:

Եվ, ահա, այդ առիթվ, այդ երեք սլավոնական երկրների հասցեին իր ամոթանքն է ուղարկում... Թուրքիայի ԱԳ նախարար Մևլութ Չավուշօղլուն:

Պատմական տեսանկյունից սա ծաղր է, երբ Թուրքիան կոչով դիմում է երեք սլավոնական երկրներին, հարգել մեծ սլավոնական երկրի՝ Ռուսաստանի շահերը: Մյուս կողմից այդ քայլը ցույց է տալիս, թե ինչ էժանագին դեր է տրված այդ փոքր երկրներին: Մյուս կողմից, այդ քայլը ցույց է տալիս Ռուսաստանի արտաքին քաղաքականության ձախողման աստիճանը, երբ Մոսկվան, ով դարերով աջակցել է իր սլավոն եղբայրներին Թուրքիայից պաշտպանվելու հարցում, այսօր արհամարվում է այդ նույն «փոքր սլավոն եղբայրների» կողմից:

Ինչպես ասում են, այստեղ մեկնաբանություններն ավելորդ են:

Սա է իրականությունը:

Դավիթ Մկրտչյան

zham.am