Ասադի բանակի մատակարարման միակ մայրուղին Հալեպում ԴԱԻՇ-ի վերահսկողության տակ է

Al Masdar-ը հայտնում է,որ  ԴԱԻՇ-ի զինյալներն իրենց վերահսկողության տակ են վերցրել միակ մայրուղին, որով իրականացվում է Հալեպ շրջանում սիրիական զորքերի մատակարարումը: Ահաբեկիչները հարձակվել են Հալեպ նահանգի հարավարևելյան մասում գտնվող Ռասմ ան-Նաֆալ բնակավայրի մերձակայքում Սիրիայի ազգային պաշտպանության ուժերի դիրքերի վրա: Արդյունքում՝ սիրիական կառավարական ուժերը ստիպված են եղել նահանջել: Մոտակա ժամերին, ինչպես սպասվում է, սիրիական բանակը կսկսի հակահարձակումը՝ նպատակ ունենալով ԴԱԻՇ-ի զինյալներին դուրս հանել բնակելի կետից: Al-Masdar-ի տվյալով՝ սա վերջին 5 ամսում 2-րդ դեպքն է, երբ ԴԱԻՇ-ի զինյալները կտրում են Հալեպում կառավարական ստորաբաժանումների իրենց մատակարարման բազաներից: