Նիկոլ Փաշինյանի կողմից վերջերս հատուկ հանձնարարություններով դեսպան Էդմոն Մարուքյանը գաղտանազերծեց Հայաստանի 6 առաջարկությունները, որոնք շուրջ մեկ շաբաթ առաջ փոխանցվել են ադրբեջանական կողմին` ի պատասխան նրանց կողմից ավելի վաղ ներկայցված 5 առաջարկությունների։
Հայկական կողմի լրացում-առաջարկները հետևյալն են․ ՀՀ֊ն երբեք չի ունեցել և չունի տարածքային պահանջներ Ադրբեջանի հանրապետության նկատմամբ։ Հայկական կողմի համար հիմնարար է ԼՂ-ի հայերի անվտանգության երաշխավորումը, նրանց իրավունքների և ազատությունների հարգման, ինչպես նաև ԼՂ-ի վերջնական կարգավիճակի որոշման հարցը։ Հայկական կողմը կարևոր է համարում նոյեմբերի 9-ի, հունվարի 11֊ի և նոյեմբերի 26֊ի հայտարարություններում ամրագրված պարտավորությունները։ Հայկական կողմը պատրաստ է սկսել բանակցություններ՝ խաղաղության, հարաբերությունների կարգավորման պայմանագիր կնքելու։ Բանակցությունների կազմակերպման համար հայկական կողմը դիմել է ԵԱՀԿ Մինսկի խմբի համանախագահներին։ Ուշագրավ է, որ հայկական կողմի պատասխան առաջարկներում բացակայում է <<Լեռնային Ղարաբաղի Հանրապետությունը ոչ մի կարգավիճակով չի կարող լինել Ադրբեջանի կազմում>> առաջարկը։ Բացի այդ՝ օգտագործված է ոչ թե <<Լեռնային Ղարաբաղի հանրապետություն>>, այլ՝ <<Լեռնային Ղարաբաղ>> ձևակերպումը։ Սա թերևս նշանակում է, որ Նիկոլ Փաշինյանն ի գիտություն է ընդունել <<Լեռնային Ղարաբաղի Հանրապետության ինքնորոշման նշաձողի իջեցման մասին Ալիևի պահանջը և իսպառ ու վերջնական հրաժարվել է ինքնորոշման իրավունքից։ Տարածքային պահանջներ չունենալու մասին կետը առնվազն տարակուսելի է․ Նիկոլ Փաշինյանը մի քանի անգամ հայտարարել է, որ Գեղարքունիքի մարզում՝ Սոթք-Խոզնավար հատվածում, ինչպես նաև Սյունիքի մարզում՝ Սև լճի հատվածում, ադրբեջանական զինված ուժերը հատել են ՀՀ ինքնիշխան տարածքը։ Այսինքն՝ Փաշինյանը համակարեպվե՞լ է այդ մտքին, չի՞ ուզում այդ տարածքները հետ պահանջել։ Եվ ամենակարևորը՝ Հայաստանը անգամ չի էլ ակնկալում, որ Ադրբեջանը հարգանքով կվերաբերվի ՀՀ տարածքային ամբողջականության և ռազմական ոտնձգությունների չդիմելու սկզբունքին։ Հիշեցնենք, որ Ադրբեջանի կողմից ներկայացված 5 կետերում չի նշվում, թե ադրբեջանական կողմը Հայաստանից տարածքային պահանջներ չունի։ Ինչ վերաբերում է ԵԱՀԿ Մինսկի խմբին դիմելու վերաբերյալ կետին․ հատկապես այս փուլում Նիկոլ Փաշինյանը ինչպե՞ս է պատկերացնում ԵԱՀԿ Մինսկի խմբի համանախագահողներից Ռուսաստանի և ԱՄՆ ներկայացուցիչների համատեղ միջնորդական առաքելությունը։ Սա ըստ էության ձախողված սկզբունք է։
Դեկտեմբերի 8-ին՝ ժամը 15։00-ին, Հայելի ակումբի հյուրն է Կարապետ Պետրոսյանը
Դեկտեմբերի 8-ին՝ ժամը 13։30-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Դեկտեմբերի 8-ին՝ ժամը 12։30-ին, Հայելի ակումբի հյուրն է Արամ Գասպարի Սարգսյանը
Դեկտեմբերի 8-ին՝ ժամը 11։00-ին, Հայելի ակումբի հյուրն է ԱԺ պատգամավոր Գառնիկ Դանիելյանը
Դեկտեմբերի 5-ին՝ ժամը 12։30-ին, Հայելի ակումբի հյուրն է Գյուլնարա Ալեքսանյանը
Դեկտեմբերի 5-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 5-ին՝ ժամը 15։00-ին, Հայելի ակումբի հյուրն է Գագիկ Մինասյանը
Դեկտեմբերի 5-ին՝ ժամը 14։00-ին, Հայելի ակումբի հյուրն է ՀՀԿ-ից Կարապետ Պողոսյանը
Դեկտեմբերի 4-ին՝ ժամը 11։30-ին, Հայելի ակումբի հյուրն է Նարե Սոսեն
Դեկտեմբերի 4-ին՝ ժամը 16։30-ին, Հայելի ակումբի հյուրն է Մայր Հայաստանից Դերենիկ Մալխասյանը
Հետևեք մեզ Viber-ում
