Խոշոր հրդեհ Չինարի գյուղում

Հայաստանի ԱԻՆ-ում, հուլիսի 20-ին, ժամը 19:39-ին ահազանգ է ստացվել, որ Տավուշի մարզի Չինարի համայնքում այրվում է խոտածածկ տարածք: Դեպքի վայր են մեկնել մեկ մարտական հաշվարկ եւ հրշեջ-փրկարարական ջոկատի օպերատիվ խումբը: Հրդեհը մեկուսացվել է ժամը 01:53-ին, մարվել՝ 02:57-ին: Այրվել է Տ. Վ.-ին պատկանող Տավուշի մարզի Չինարի համայնքի 3-րդ փողոցի շինություններից մեկում՝ մոտ 3000 հատ խոտի հակ (անասնակեր), 1 հատ կերաղաց, 1 հատ քարի հաստոց, շինության ծածկը մոտ 400մ2 եւ Տ 54 տեսակի թրթուրավոր տրակտորի վարորդի նստատեղը, որը պատկանում է Ա. Ս.-ին: