Ընդդիմությունը փողոցում է. Թուրքերն ասում են՝ «հայերի հետ համաձայնություն կա», Պուտինն ու Էրդողանը կբանակցեն

Թուրքիայի արտգործնախարար Մևլութ Չավուշօղլուն երեկ հայտարարել էր, որ պայմանավորվածություն է եղել սահմանը դարձյալ ճշտելու մասին։ «Ինչպե՞ս է դա արվելու։ Օրինակ, կարող է ստեղծվել համատեղ հանձնաժողով։ Նրանք որոշել են համատեղ հանձնաժողով ստեղծել Ադրբեջանի հետ», մասնավորապես նշել է նա:

Թուրքական Hurriyet-ի փոխանցմամբ Թուրքիայի ԱԳ նախարար Մևլութ Չավուշօղլուն նշել է, թե հանդիպման ընթացքում խոսելու են առաջիկայում արվելիք քայլերի մասին։ Չավուշօղլուն պնդել է, թե հայերի հետ համաձայնություն կա հայ-թուրքական սահմանի ճշգրտման մասին։ Նա հիշեցրել է, որ օրինակ Ադրբեջանի դեպքում Հայաստանի և Ադրբեջանի միջև համատեղ հանձնաժողով ստեղծելու համաձայնություն է ձեռք բերվել։

Այսպես, Չավուշօղլուն խոսել է հայ-թուրքական սահմանի ճշտման հարցով հանձնաժողով ստեղծելու հնարավորության մասին, նա անդրադարձել է Հայաստան-Թուրքիա երկխոսության գործընթացի շրջանակներում կայանալիք հատուկ ներկայացուցիչների երրորդ հանդիպմանը, և նրա խոսքով՝ հատուկ ներկայացուցիչները Վիեննայում կայանալիք 3-րդ հանդիպմանը նույնպես քննարկվելու են տարբեր քայլեր, որոնք կարող են իրականացվել առաջիկա գործընթացում։ «Սահմանը նորից ճշտելու հարցում պայմանավորվածություն կար։ Դա ինչպե՞ս է արվելու։ Օրինակ, համատեղ հանձնաժողո՞վ է ստեղծվելու։ (Նրանք) Ադրբեջանի հետ համատեղ հանձնաժողով ստեղծելու որոշում են կայացրել»,- ասել է Թուրքիայի ԱԳ նախարարը։

Նա խոսել է նաև Ուրուգվայում իր կողմից «Գորշ գայլերի» աջ ծայրահեղական կազմակերպության ժեստի ցուցադրման թեմային, որը մեծ աղմուկ էր բարձրացրել։ Չավուշօղլուն այս թեմայով մասնավորապես ասել է. «Նրանք վստահեցրեցին մեր դեսպանին, որ մեր շենքի բացման ժամանակ այդ խմբին թույլ չեն տա մոտենալ դրա առջև։ Սխալ էր այնտեղ խմբի մոտենալը թույլ տալն այն դեպքում, երբ խոսք էին տվել։ Իսկապես, ցուցարարները տգեղ վարմունք դրսևորեցին։

Անընդունելի այդ տգեղ վարմունքից հետո մենք էլ մեր անհրաժեշտ պատասխանը տվեցինք։ Մեր արած շարժումը ո՛չ Ուրուգվայի իշխանություններին, ո՛չ Ուրուգվայի ժողովրդին, ո'չ էլ ցուցարարներին ուղղված վիրավորանք չէ։ Այդ իսկ պատճառով անտեղի է, որ նրանք մեզ մեղադրում են։ Մենք ասացինք, որ պետք է նայենք ապագային։ Թուրքիայի արտգործնախարարը վստահեցրել է, որ իրենք որևէ խնդիր չունեն Ուրուգվայի հետ և ցանկանում են նոր լիցք հաղորդեն երկկողմ հարաբերություններին։

Այն բանից հետո, երբ Թուրքիայի ԱԳ նախարարը երեկ խոսեց այն մասին, թե հայերի հետ համաձայնություն կա հայ-թուրքական սահմանի ճշգրտման մասին, ժամեր անց՝ պաշտոնական Երևանը հերքեց. ՀՀ ԱԳՆ-ն հաղորդեց՝ Հայաստանի և Թուրքիայի միջև սահմանի վերասահմանագծման վերաբերյալ որևէ քննարկում կամ պայմանավորվածություն չկա:

Ի պատասխան ԶԼՄ-ների հարցման, ԱԳՆ-ից տեղեկացրեցին, որ Հայաստանի և Թուրքիայի միջև սահմանի վերասահմանագծման վերաբերյալ որևէ քննարկում կամ պայմանավորվածություն չկա, այս մասին Ֆեյսբուքյան իր էջում գրել էր ԱԳՆ խոսնակ Վահան Հունանյանը:

Այսինքն, Հայաստանի հասարակությունն այսպես օրը-մեջ սկզբունքով՝ Ադրբեջանի ու Թուրքիայի իշխանություններից տեղեկանալո՞ւ է, թե Փաշինյանի իշխանության հետ ի՞նչ համաձայնությունների՞ են եկել...

Ի դեպ, այս շաբաթ Էրդողանն ու Պուտինն ակնկալվում է, որ բանակցություններ կվարեն: Թուրքիայի նախագահ Թայիփ Էրդողանը հայտարարել է, որ այս շաբաթ հեռախոսազրույց է նախատեսում ռուս պաշտոնակցի՝ Վլադիմիր Պուտինի հետ։ Նա հույս է հայտնել, որ Անկարայում կամ Ստամբուլում Ուկրաինայում իրավիճակի կարգավորման կոնկրետ քայլեր կձեռնարկվեն։

Արդյոք Պուտինն ու Էրդողանը կքննարկեն նաև Հայաստան-Թուրքիա, Հայաստան-Ադրբեջան թեմաները, առայժմ հստակ չէ, պաշտոնապես ոչինչ չի ասվում, բայց կարելի է ենթադրել, որ նման կարևոր փուլում, երբ Հայաստանում ընդդիմությունը փողոցում է՝ չի բացառվում, որ Պուտինն ու Էրդողանը քննարկեն այդ հարցը:

Մետաքսյա Շալունց