«Լևոն Տեր-Պետրոսյանը Ելցինից մրցանակ է ուզել ». Անդրանիկ Միհրանյան
«Ապրիլյան պատերազմից հետո հայկական կողմը լուրջ հետևություններ է արել եւ շտկել առկա թերությունները, իհարկե լավ կլիներ, որ դա արվեր ապրիլյան պատերազմից առաջ»,- քաղաքագետ, Միջազգային հարաբերությունների Մոսկվայի պետական համալսարանի դասախոս Անդրանիկ Միհրանյանն արձանագրում է՝ արցախաադրբեջանական սահմանին ինժեներատեխնիկական լայնածավալ աշխատանքներ են կատարվել: Անդրադառնալով ԵԱՀԿ Մինսկի խմբի համանախագահ երկրների դերին՝ Անդրանիկ Միհրանյանը նշում է, որ հավանաբար համանախագահները չեն կարողանում սանձել Ադրբեջանին, քանի որ չունեն համապատասխան ռեսուրսներ կամ այդ պետության վրա անհրաժեշտ ազդեցություն։ Անդրանիկ Միհրանյանը հիշեց ՀՀ առաջին նախագահ Լևոն Տեր-Պետրոսյանի հանդիպումը ՌԴ նախագահ Բորիս Ելցինի հետ. «Տեր-Պետրոսյանը Ելցինին ասաց՝ մենք ձեզանից սպասում ենք ինչ-որ մրցանակ՝ նրա համար, որ Ղարաբաղում մեր հաղթանակի շնորհիվ Ադրբեջանը վերադարձրեցինք ԱՊՀ կազմ, որովհետև Ադրբեջանն այդ շրջանում դուրս էր եկել ԱՊՀ-ից»։ «Ռուսաստանի հետաքրքրությունները պարզ են՝ ռազմավարական շրջանը շատ կարևոր է: Ռուսաստանը չի ցանկանա դուրս գալ այս տարածաշրջանից։ Ես չեմ դադարի կրկնել, որ Հարավային Կովկասի բանալիները գոնե Ռուսաստանի համար Երևանում են»,-ասաց նա:
Հետևեք մեզ Viber-ում
