ՊԵԿ-ը պայթեցրել է Նիկոլ Փաշինյանի ասած գերակատարումների փուչիկը

ՊԵԿ-ը այս տարվա մարտի 1-ին հայտարարություն էր Զանգեզուրի պնձամոլիբդենային կոմբիանտի՝ պետական բյուջեին պատճառած խոշոր վնասի մասին։
Հաղորդագրության մեջ նշվում էր, որ «Զանգեզուրի պղնձամոլիբդենային կոմբինատ» ՓԲ ընկերության նախկին գործադիր մարմնի ղեկավար՝ գլխավոր տնօրեն հանդիսացող անձը, առանձնապես խոշոր չափերով հարկեր չվճարելու նպատակով, օտարերկրյա պետություններում գրանցված և իր հետ փոխկապակցված ոչ ռեզիդենտ համարվող կազմակերպությունների միջոցով կատարել է Զանգեզուրի պղնձամոլիբդենային կոմբինատի արտադրանքի՝ պղնձի խտանյութի շուկայականից էականորեն ցածր արժեքով մատակարարման գործարքներ։ Դրա հետևանքով ընկերության հարկվող շահույթը պակաս է ցույց տրվել և արդյունքում պետական բյուջե չի վճարվել 15 մլրդ 17մլն 640 հազար ՀՀ դրամի հարկեր :

Ըստ ՊԵԿ լրատվական ծառայության մամուլի հաղորդագրության՝քրեական գործի նախաքննության ընթացքում ամբողջությամբ բացահայտվել և հիմնավորվել է վերը նկարագրված հանցավոր սխեմայի իրական բովանդակությունն ու նպատակը: <<Մասնավորապես՝ քննությամբ հիմնավորվել է, որ «Զանգեզուրի պղնձամոլիբդենային կոմբինատ» ՓԲԸ նախկին գործադիր մարմնի ղեկավար հանդիսացող անձը, Զանգեզուրի պղնձամոլիբդենային կոմբինատի պղնձի խտանյութի մատակարար և Արաբական Միացյալ էմիրություններում հաշվառված, փաստացի որևէ տնտեսական գործունեություն չիրականացնող ոչ ռեզիդենտ կազմակերպությունների հետ ձևականորեն կնքված մատակարարման պայմանագրերի հիման վրա հաշվապահորեն ձևակերպվել է, թե իբր պղնձի խտանյութը դրա շուկայական գնից ակնհայտ ցածր արժեքով մատակարարվել է այդ կազմակերպություններին։
Այնինչ փաստացի պղնձի խտանյութը միջազգային շուկայական արժեքներով անմիջապես մատակարարվել է իրական գնորդ հանդիսացող և պղնձի խտանյութի վերամշակմամբ զբաղվող օտարերկրյա կազմակերպություններին:
Այնուհետև Արաբական Միացյալ Էմիրություններում հաշվառված կազմակերպությունների բանկային հաշիվներին իրական գնորդ հանդիսացող կազմակերպություններից ստանալով ձեռք բերված պղնձի խտանյութի իրական արժեքի վճարումները, այդ գումարների մի մասը փոխանցել է «Զանգեզուրի պղնձամոլիբդենային կոմբինատ» ՓԲԸ հաշիվներին, իսկ կիրառված սխեմայի արդյունքում գոյացած ֆինանսական միջոցների գերակշիռ մասը տնօրինել և ծախսել է այլ ուղղություններով: Նման եղանակով ընկերության ղեկավար անձի կողմից «Զանգեզուրի պղնձամոլիբդենային կոմբինատ» ՓԲ ընկերության իրական շահույթը տեղափոխվել է օտարերկրյա կազմակերպությունների ռեզիդենտության երկրներ՝ այդ կերպ զրկելով Հայաստանի Հանրապետությանն իրական արժեքներով մատակարարումներից գոյացած հարկվող շահույթը հարկելու հնարավորությունից: Քրեական գործով ձեռք բերված բավարար ապացույցների համակցության հիման վրա «Զանգեզուրի պղնձամոլիբդենային կոմբինատ» ՓԲ ընկերության նախկին գործադիր մարմնի ղեկավար՝ գլխավոր տնօրենին մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասով նախատեսված հանցավոր արարք կատարելու՝ առանձնապես խոշոր չափերով հարկեր չվճարելու համար>>,- նշվում է հաղորդագրոության մեջ:
Արձանագրվում է նաև, որ 2021 թվականի դեկտեմբերի 29-ին կազմվել է ստուգման ակտ և առաջադրվել լրացուցիչ գանձման ենթակա ընդհանուր15.017.640.469 ՀՀ դրամ պարտավորություններ, որոնք 2022թ.-ին ամբողջությամբ վճարվել են պետական բյուջե` մեղադրյալ անձի կողմից:

Ահա այս խիստ ուշագրավ հայտարարությունից մոտ մեկուկես ամիս անց կառավարության նիստում վարչապետ Նիկոլ Փաշինյանը հայտարարեց, թե մենք շարունակում ենք ընթանալ բյուջեի եկամտային հատվածի գերակատարման պլանով:
Այսինքն՝ ավելի քան 15 մլրդ դրամի հասնող վչվճարված հարկերի միանվագ գանձումը, որը բնկանաբար բյուջեի մասին օրենքով նախատեսված չի եղել, ապահովել է երամուտների գերակատարում։
Հաշվի առնելով, որ խոսքը «Զանգեզուրի պղնձամոլիբդենային կոմբինատի» 2017-2019թթ. գործունեության ընթացքում առաջացած և չվճարված հարկերի մասին է, պետք է փաստել, որ գերակատարումը որևէ կապ չունի տնտեսության ներկա իրավիճակի հետ։

Հայկ Դավթյան