ՌԴ ԶՈՒ-ն Ուկրաինայում ավելի քան հազար օտարերկրյա վարձկանների է ոչնչացրել
Ռուսաստանի Դաշնության պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը հայտարարել է, որ ռուսական զինված ուժերը Ուկրաինայում ավելի քան հազար օտարերկրյա վարձկանների են ոչնչացրել:
Նա նշել է, որ օտարազգի վարձկանները, միջազգային իրավունքի համաձայն, ռազմագերու կարգավիճակ չունեն։
«Մարտական գործողությունների արդյունքում վարձկանների թիվն անշեղորեն նվազում է և այսօրվա դրությամբ կազմում է 4877 մարդ։ Ռազմական գործողություններում ռուսական զինված ուժերը ոչնչացրել են 1035 օտարերկրյա վարձկանների», — ասել է Կոնաշենկովը, և հստակեցրել,- «Նրանք ժամանել են Ուկրաինա՝ սլավոններին սպանելու դիմաց փող աշխատելու նպատակով։ Դրա համար էլ լավագույնը, որ նրանց կարող է սպասել, քրեական պատասխանատվությունն է և երկար տարիների բանտարկությունը»:
Հետևեք մեզ Viber-ում
