«Ով է բդեշխը. ето царское дело»
ԳԽ պատգամավոր Ազատ Արշակյանն այսօր Հայելի ակումբում նկատեց, որ ՀՀ-ում իշխանության ձեւավորելու հարցը այլեւս Հայաստանի ներքին խնդիրները չեն, դրանք հանձնված են մետրոպոլիային, ՌԴ-ին:Ըստ բանախոսի՝ Սերժ Սարգսյանի վերջին հարցազրույցը վերը նշվածի ապացույցն է. «Նրա ուղերձն այն էր, որ բոլոր խոսակցությունների պատասխանը Հայաստանում կլինի մարտին՝ Ռուսաստանի նախագահի ընտրություններից հետո»: Հարցին, թե ով կլինի 2018թ. ՀՀ վարչապետը, Ազատ Արշակյանն ասաց. «Ինչ կարեւոր է, թե ով է հովիվը ոչխարների համար: Մարդը հարյուր անգամ ասել է ծրագիր չունի, չեմ ուզում դառնալ վարչապետ: Ասում է՝ չեմ ուզում, բայց ում էլ նշանակեն՝ նա էլ կլինի: ՀՀ քաղաքական իշխանությունը նշանակովի է եւ ասում է, որ ես ոչինչ չեմ կարող փոխել, կասեն՝ կանեմ, ето царское дело, դա գավառականության հարց չէ: Ես իմ կյանքում մի քանի նման իշխանափոխություն տեսել եմ: ՀՀ-ում իշխանափոխությունը փոխվում է դրսից, ասում է՝ կտեսնենք էլի: Հիմա, մարտ ամսին ՌԴ նախագահ կընտրվի, եթե ավելի շուտ ֆորսմաժորներ չլինեն, ինչ էլ չէ՝ հեղափոխության 100-ամյակն է, կիմանաք՝ ով է բդեշխը»:
Հետևեք մեզ Viber-ում
