Բայրամովն ու Կլաարը քննարկել են Բաքվի եւ Երեւանի միջեւ խաղաղության համաձայնագրի նախապատրաստումը

Կայացել է Ադրբեջանի արտգործնախարար Ջեյհուն Բայրամովի եւ Հարավային Կովկասում ԵՄ հատուկ ներկայացուցիչ Տոյվո Կլաարի հեռախոսազրույցը, հաղորդում են ադրբեջանական լրատվամիջոցները։

«ԵՄ խորհրդի նախագահի միջնորդությամբ եւ մասնակցությամբ Բրյուսելում Ադրբեջանի եւ Հայաստանի ղեկավարների միջեւ կայացած հանդիպման ընթացքում կողմերը քննարկել են տարածաշրջանի վերջին զարգացումները, երկու երկրների միջեւ հարաբերությունների կարգավորմանն ուղղված քայլերը»,-ասվում է հաղորդագրության մեջ;

Հանդիպման արդյունքներով Հայաստանի և Ադրբեջանի միջև մինչև ապրիլի վերջ սահմանների դելիմիտացիայի հարցերով երկկողմ հանձնաժողով ստեղծելու պայմանավորվածություն է ձեռք բերվել։