Իտալիայում անհայտ անձինք փորձել են հրկիզել Վլադիմիր Սոլովյովի վիլլան

Անհայտ անձինք փորձել են հրկիզել Կոմո լճում գտնվող ռուս հեռուստահաղորդավար Վլադիմիր Սոլովյովի վիլլան։ La Repubblica թերթի պնդմամբ՝ խոսքը Մենաջո քաղաքում անշարժ գույքի մասին է, որի վրա Իտալիայի իշխանությունը կալանք է դրել Սոլովյովի՝ ԵՄ-ի պատժամիջոցների ցուցակում ընդգրկելուց հետո։

Փրկարարներն արագ մարել են կրակը։ Ըստ նախնական քննության՝ դա հրկիզում է, hաղորդում է Corriere della Sera-ն:

«Կարաբիներների հետաքննությունը շարունակվում է, բայց արդեն կարող ենք ասել, որ վանդալները լուրջ վնաս չեն հասցրել»,- ասել է Մենաջոյի քաղաքապետ Միքելե Սպաջարին։