Ռուսաստանը որոշում է կայացրել սովի մատնել արևմտյան երկրներին

Ռուսաստանը որոշել է պարենային և գյուղնշանակության ապրանքներ մատակարարել բացառապես իր դաշնակից երկրներին: Մասնավորապես, Հայաստանը կարող է ստանալ այնքան ապրանք, ինչքան իրեն անհրաժեշտ է, բայց ոչ շատ, որ չկարողանա վերավաճառել երրորդ երկրներին:

Հիշեցնենք, որ համաշխարհային շուկայի ցորենի և հացահատիկի մոտ 20-25 տոկոսը տրամադրում է այսօր Ռուսաստանը:

Եվ, ըստ փորձագետների, եթե Մոսկվան հրաժարվի արտահանել այդ ապրանքները համաշխարհային շուկաներ, ապա սովի վտանգ կարող է առաջանալ, ոչ միայն զարգացող հետամնաց երկրներում, այլև մի շարք եվրոպական երկրներում:

Իսկ, որ Ռուսաստանը ունի նման մտադրություն երեկ հայտարարեց ռուսաստանի նախկին նախագահ՝ Դմիտրի Մեդվեդևը:

Ըստ նրա, միայն ցորենի և հացահատկի մասով, Ռուսաստանը տարեկան 35-40 մլրդ դոլարի շահույթ է ստանում: Իսկ, ահա, նույնիսկ շատ եվրոպական երկրներ չեն կարող առանց ռուսական հացահատիկի ապահովել իրենց պարենային անվտանգության հարցը:

Այսպիսով, էներգետիկ ոլորտից հետո, Մոսկվան սկսեց սպառնալ Արևմուտքին նաև պարենային զենքով, որն, ըստ փորձագետների, կարող է պակաս ազդեցություն չունենալ այդ երկրների համար:

Սա՛ է իրականությունը:

Արտակ Հակոբյան

zham.am