Ադրբեջանի առաջարկներում Հայաստանի համար անընդունելի ոչինչ չկա․ Արարատ Միրզոյան (video)
Ադրբեջանի առաջարկներում Հայաստանի համար անընդունելի ոչինչ, ըստ էության, չկա, Ազգաին ժողովում հայտարարեց ՀՀ ԱԳ նախարար Արարատ Միրզոյանը:
«Այլ բան, որ այդ առաջարկներն ամբողջովին չէին հասցեագրում պոտենցիալ հնարավոր բանակցությունների ողջ օրակարգը ու համապարփակ խաղաղության համար մենք օրակարգը համալրել ենք մեր առաջարկներով, փոխանցել ենք ԵԱՀԿ Մինսկի խմբի համանախագահությանը: Համանախագահությունից ինձ տեղեկացրել են, որ առաջարկները փոխանցվել են պաշտոնական Բաքվին, Բաքվից առայժմ պատասխան չունենք», - ասաց Միրզոյանը:
Նրա խոսքով՝ Հայաստանի առաջարկները գրեթե հարյուր տոկոսով բացահայտված են իր՝ «Արմենպրես»-ին տված հարցազրույցում. չկա մի բան, որը բացակայում է հարցազրույցից:
ԱԳ նախարարն ընդգծեց՝ առաջարկների մեխն այն է, որ Հայաստանի համար շարունակում է սկզբունքային մնալ Լեռնային Ղարաբաղի հայության իրավունքների, նաև կարգավիճակի հարցը:
Հետևեք մեզ Viber-ում
