Դա նշանակում է, որ ինքն է պատրաստվում դա անել. Բայդենը՝ կենսաբանական և քիմիական զենքի մասին
ԱՄՆ-ի նախագահ Ջո Բայդենը չի համաձայնել այն ենթադրություններին, որ Ուկրաինան բավարար հանդերձանք եւ միջոցներ չունի պաշտպանության համար։ «Այն միտքը, որ նրանք ոչ բավարար ժամանակակից հանդերձանք ունեն, պարզապես ճիշտ չէ»,-ասել է Բայդենը՝ հանդես գալով խոշոր բիզնեսի ներկայացուցիչների հետ հանդիպմանը:
Բայդենը հերքել է Եվրոպայում ԱՄՆ-ի կենսաբանական ու քիմիական զենքի առկայությունը: «Նրանք (Ռուսաստանը) նաեւ հայտարարում են, որ Ուկրաինայում կենսաբանական, ինչպես նաեւ քիմիական զենք կա: Դա այն բանի ակնհայտ նշան է, որ նրանք իրենք են դիտարկում մեկի եւ մյուսի օգտագործման հնարավորությունը»: Բայդենը պարզաբանել է. «Ամեն անգամ, երբ նա (Ռուսաստանի նախագահ Վլադիմիր Պուտինը) սկսում է խոսել ինչ-որ բանի մասին, որը, նրա կարծիքով, ՆԱՏՕ-ն, Ուկրաինան կամ Միացյալ Նահանգները պատրաստվում են անել, նշանակում է, որ ինքն է պատրաստվում դա անել», հաղորդել է «Ինտերֆաքս»-ը:
Հետևեք մեզ Viber-ում
