Ուկրաինացի նախկին պատգամավորի կինը փորձել է ճամպրուկով 30 միլիոն դոլար տեղափոխել Հունգարիա. Pravda (լուսանկարներ)
Ուկրաինայում «Ժողովրդական ճակատ» կուսակցության նախկին ժողովրդական պատգամավոր Իգոր Ալեքսանդրովիչ Կոտվիցկու կինը՝ Անաստասիա Կոտվիցկայան, առանց հայտարարագրելու, շրջանցելով մաքսային կանոնները, դոլարով և եվրոյով լի ճամպրուկները փորձում է տանել Հունգարիա, գրում է Pravda-ն։
Մարտի 14-ին «Opel Vivaro» մակնիշի ավտոմեքենայով, որի մեջ եղել են Հունգարիայի քաղաքացիներ, Անաստասիա Կոտվիցկայան և նրա մայրը՝ Գալինա Կուչերը, Ուկրաինայի սահմանը հատելիս՝ դրամական միջոցներ չեն հայտարարագրել, իսկ ուկրաինացի մաքսավորները չեն ստուգել իրերը։
Սակայն, ըստ պարբերականի աղբյուրների, ավելի ուշ պարզվել է, որ Կոտվիցկայան մաքսակետի տարածքում՝ Հունգարիայում, այնուամենայնիվ, հայտարարագրել է 28,8 մլն դոլար և 1,3 մլն եվրո։
Այնուամենայնիվ Կոտվիցկին հայտարարել է, որ այս տեղեկությունը կեղծ է, իսկ քննիչները ուսումնասիրում են այս տեղեկությունը:
Հետևեք մեզ Viber-ում
