Մահացել է դատական երկու կարգադրիչ սպանած Վարդան Քոչյանը

Սոչիի քննչական մեկուսարանում մահացել է 61-ամյա Վարդան Քոչյանը, տեղեկացրել է «Ъ-Юг»-ը՝ հղում կատարելով փաստաբան Ալեքսանդր Բուռնաեւին։ Տեղեկությունը հայտնում է ՌԻԱ Նովոստին` հղում անելով քննչական կոմիտեին։

Հիշեցնենք` Քոչյանը սպանել էր հարկադիր կատարողներ 35-ամյա Անդրոնիկ Մաթևոսյանին և 36-ամյա Ալբերտ Ազազյանին, երբ վերջիններս գնացել էին Քոչյանների ընտանիքին տնից վտարելու որոշմամբ։ Դեպքը տեղի էր ունեցել 2021 թվականի հունիսին։ Քոչյանը լրատվամիջոցներից մեկին ասել էր, որ իրեն հասցրել են այդ քայլին, բայց չի զղջում արածի համար։

Վարդան Քոչյանը 2021թ. հունիսի 9-ին սպանել էր երեք դատական կարգադրիչներից երկուսին, որոնք եկել էին Ադլերի Պրոսվեշչենիե փողոց՝ ապօրինի շինությունների քանդման վերաբերյալ դատարանի վճիռն ի կատար ածելու համար։ Դրանց տերը նրանց ուղղությամբ կրակ էր բացել։ Մահացածները՝ Անդրանիկ Մաթեւոսյանը եւ Ալբերտ Աղոզյանը, հազիվ 30 տարեկան էին։

«Հայտնի է, որ նա սրտի հիվանդություն ունի, եւ ազգականների կարծիքով՝ նրան ժամանակին որակյալ օգնություն չի ցուցաբերվել։ Նրանք պատրաստվում են ստուգել կատարվածի բոլոր հանգամանքները»,- «Ъ-Юг»-ը մեջբերում է փաստաբան Ալեքսանդր Բուռնաեւի խոսքերը։