Մեծահարուստ Նիկոլն ու քպականները թաքնվում են Նարեկի հետևում

Ռոմանոս Պետրոսյանը գնե՞լ է «Գոլդեն փելիս» հյուրանոցային համալիրը

«Գոլդեն փելիս» հյուրանոցային համալիրը  5 միլիարդ դրամով գնեց «Պրոյեկտ ինտեր-ինվեստ» ընկերությունը, որի հիմնադիր տնօրենը Նարեկ Նալբանդյանն է:5 միլիարդ դրամը` մոտ 12 միլիոն դոլար, ընկերությունը պետք է վճարի 5 տարվա ընթացքում` տարեկան վճարելով մոտ 2 միլիոն 400 հազար ՀՀ դրամ և նույն ժամանակահատվածում էլ պետք է կատարի ևս 4.5 միլիարդ դրամի ներդրում:

Այս ընկերությունը հիմնադրվել է 2002թ-ին: Ընկերությունը զբաղվում է բեռնափոխադրումներով և ալյուրի վաճառքով:

Կասկած կա, որ «Պրոյեկտ ինտեր-ինվեստ» ընկերության հիմնադիր-տնօրեն Նարեկ Նալբանդյանը «հավատափոխ» է եղել 2019-ին` դառնալով «հոգով ՔՊ-ական» ու միանգամից նույն տարվա նոյեմբերի 14-ին ստացել է հարկային և մաքսային արտոնություն։Նախ՝ ներդրումային ծրագրի շրջանակներում 3 տարի ժամկետով հետաձգվել է ընկերության համար ավելացված արժեքի հարկի վճարման ժամկետը՝ 2019թ. նոյեմբերի 15-ից մինչև 2021թ. դեկտեմբերի 31-ը ներառյալ։ Հետո՝ նույն ընկերությունը ներդրումային ծրագրի շրջանակներում ազատվել է մաքսատուրքից։

Այժմ դիտարկենք, թե բիզնես բարեխղճության տեսանկյունից ինչպիսինն է այս ընկերությունը և արդյոք կարո՞ղ է պետությանը վճարել այդ 5 միլիարդ դրամը և կատարել 4.5 միլիարդի ներդրում:

Այսպես.

- 2020 թվականի հոկտեմբերի 26-ին ՀՀ ՊԵԿ-ում հարուցվել է վարույթ` «Պրոյեկտ ինտեր-ինվեստ» ընկերության հարկային մարմնում առկա անձնական հաշվի քարտի տվյալների չկատարված ընդհանուր հարկային պարտավորություններից 39 մլն 411 հազար 558 դրամ բռնագանձելու նպատակով:

- 2021թ. հունիսի 16-ին «Պրոյեկտ ինտեր-ինվեստ» ընկերության դեմ հարուցվել է ևս մեկ վարչական վարույթ ու կայացվել է 500.000 ՀՀ դրամ գումարի բռնագանձման որոշում ապրանքների ապօրինի շրջանառություն իրականացնելու համար:

-ԿԴ/6168/02/20 քաղաքացիական գործով «Մաքս Օիլ» ՍՊԸ-ն 2020թ. նոյեմբերի 20-ին հայցադիմում է ներկայացրել դատարան ընդդեմ «Պրոյեկտ Ինտեր-Ինվեստ» ՍՊԸ-ի՝ գումարի բռնագանձման պահանջի մասին: Ըստ հայցի՝ «Մաքս Օիլ» ՍՊ ընկերությունը «Պրոյեկտ Ինտեր Ինվեստ» ՍՊ ընկերությանը մատակարարել է հեղուկ վառելիք, որի ընդհանուր գումարը կազմել է 20 մլն 830 հազար 220,85 ՀՀ դրամ, սակայն այն վճարելու պարտավորությունը «Պրոյեկտ Ինտեր Ինվեստ» ՍՊԸ-ն պատշաճ չի կատարել:

Իսկ զավեշտալին այն է, որ 2020թ. դեկտեմբերի 7-ին, երբ արդեն ընթանում էր ընկերության նկատմամբ հարուցված վարչական վարույթ` 39 մլն 411 հազար 558 դրամ բռնագանձելու նպատակով, այդ նույն ընկերությանը ՀՀ ՊԵԿ-ը շնորհում է «Օրինապահ հարկ վճարող» կարգավիճակը հաստատող հավաստագիր:

Այս փաստերից հետևությունը մեկն է. եթե մի ընկերություն, որն ի վիճակի չէ վճարել հարկերը, վճարել իր ծախսած վառելիքի համար, չի խորշում ընդամենը 46 պարկ ալյուր պետությունից թաքցնելով վաճառել և դրանց համար ենթարկվում է պատասխանատվության, անկախ այն հանգամանքից, որ ունի «Օրինապահ հարկ վճարող» կարգավիճակ, դժվար թե կարողանա 5 տարվա ընթացքում վճարել 5 միլիարդ դրամ և կատարել 4.5 միլիարդ դրամի ներդրում:

Այստեղից հետևություն կարելի է ևս մեկ հետևություն անել, որ «քայլարածները» որոշել են «իրենցով անել» «Գոլդեն փելիս» հյուրանոցային համալիրը: Մոտավորապես նկատվում է նաև այն «քայլարածը», ում ականջները երևում են այս անհավանական գործարքի և «Պրոյեկտ ինտեր ինվեստ» ՍՊԸ-ի հետևում:«Պրոյեկտ ինտեր ինվեստ» ՍՊԸ-ն գրանցման հասցեն է` ՀՀ, Կոտայքի մարզ, գ. Նոր Գեղի, գործունեության վայրի հասցեն` Շիրակի մարզ, գ. Բայանդուր:

Նախկին մարզպետ, ապա Շրջակա միջավայրի նախարար, հետո ՊՎԾ ղեկավար Ռոմանոս Պետրոսյանի պաշտոնավարման ժամանակ է, ըստ լուրերի, այս «օրինապահ հարկ վճարող» ընկերությունը ստացել շինթույլտվություններ, շահել է Սևանի մաքրման մրցույթ, իսկ այսօր էլ մշակվում է «Պրոյեկտ ինտեր ինվեստ» ՍՊԸ-ի՝ Շիրակի մարզի Բայանդուր համայնքի վարչական տարածքում գյուղատնտեսական/ոռոգում/ նպատակով ստորերկրյա ջրային ռեսուրսից՝ 3.6 լ/վ նոր ջրօգտագործման թույլտվության ստացման նախագիծը:

Դե ինչ, արձանագրենք, որ քայլականներն անցել են իրենց յուրացրածն օրինականացնելու գործնթացին: Ի՞նչ խոսք, հավանաբար հենց այսպիսի մարդկանց ու այսպիսի գործարարների համար է միայն, որ ապագա կա´:

 Սա ապացուցում է , որ Նիկոլ Փաշինյանը մեծ ախորժակ ունի: Հաշվի առնելով այդ   հանգամանքը , ապացուցվում է այն, որ  այս 4 տարիների ընթացքում մամուլում բազմիցս գրվել է` վերչապետը շատ ու շատ նախկին բարձրաստիճան պաշտոնյաների ու գործարարների հետ գնացել է գործարքի` առաջարկելով բերել որոշակի գումար և ազատվել պարտավորություններից: Սա էլ խոսում է այն մասին, որ Հայաստանում ոչ մի կոպեկ գումար այս ու այն կողմ չի գնում առանց Նիկոլ Փաշինյանի անմիջական մասնակցության և իմացության:

 newspress.am