Թուրքիան սկսել է Bayraktar Kizilelma ԱԹՍ-ի արտադրությունը
Թուրքիան սկսել է Baykar Technologies-ի մշակած Bayraktar Kizilelma ԱԹՍ-ի նախատիպի արտադրությունը։ Այս մասին հայտարարել է գլխավոր տեխնիկական տնօրեն Սելչուկ Բայրաքթարը, փոխանցում է TRT-ն։
«Կառավարվող մարտական ինքնաթիռներ այլեւս չեն մշակվի։ Այսուհետ անօդաչու համակարգերը կլինեն մարտադաշտի ամենահզոր տարրերը»,- ասել է Բայրաքթարը։
Բաց աղբյուրների համաձայն՝ Bayraktar Kizilelma անօդաչու կործանիչը կկարողանա օգտագործել ինչպես հրթիռային, այնպես էլ ռմբակոծիչ սպառազինություն, ըստ որոշ տեղեկությունների էլ, դրա մշակումն իրականացվել է ամերիկյան F-35-ի տարրերի բազայի վրա։