ԼՂ բանակցային գործընթացը հանգած ու մարած վիճակում է. ադրբեջանագետ

«ԼՂ հակամարտության գործընթացը բավականին հանգած և մարած վիճակում է և խնդիր կա բանակցությունները կենդանի պահել: Գոնե սահմանային լարվածությունից հետ որոշ հանդիպումների կազմակերպումը նպատակ ունի բացառելու ռազմական գործողությունների իրականացումը և կողմերին կրկին բերել բանակցային սեղան»,-լրագրողներին ասել է ադրբեջանագետ, պատմական գիտությունների թեկնածու Տաթև Հայրապետյան՝անդրադառնալով  Հայաստանի և Ադրբեջանի արտգործնախարարների հանդիպմանը և սահմանային վերջին լարվածություններին: Ադրբեջանագետն անդրադարձավ նաև Ադրբեջանի ներքաղաքական անվտանգության և պաշտպանության ոլորտի կադրային փոփոխությունների մասին և նշեց, որ վերջին զարգացումները ցույց են տալիս, որ Ադրբեջանը ռազմական ուղին չի բացառում. «Մի կողմից, եթե Ադրբեջանը պատրաստվում է պատերազմի, ապա պետք է թիկունքն ամուր լինի և ընդվզում չլինի, և մյուս կողմից, եթե նույնիսկ խաղաղության է պատրաստվում, ինչը քիչ անհավանական է, ապա ևս Ադրբեջանին ընդվզում պետք չէ»: «Մինսկի խումբն ամեն ինչ անում է, որպեսզի բանակցային գործընթացը կենդանի պահի և արդեն կողմերի պատրաստակամությունից է շատ բան կախված: Տարածաշրջանում խաղացողները շատ են և Մինսկի խումբը շարունակում է աշխատել Վիեննայի և Սանկտ Պետերբուրգի պայմանավորվածությունները կյանքի կոչելու ուղղությամբ, որպեսզի հրադադարի ռեժիմը պահպանվի:Երբ որ հստակ է, որ Ադրբեջանն է սադրում և հրահրում, պետք է Մինսկի խմբի արձագանքը հստակ և կոշտ լինի»,-հավելեց նա: