Մուխթարլիի սկանդալը վրաց-ադրբեջանական եղբայրական հարաբերությունները քայքայելու փորձ է. ԱՄՆ-ում Ադրբեջանի դեսպան
«Ամերիկայի Ձայն»-ի վրացական ծառայության լրագրողի հետ հարցազրույցում ԱՄՆ-ում Ադրբեջանի դեսպան Էլին Սուլեյմանովը պարզաբանել է Ադրբեջանցի լրագրող Աֆգան Մուխթարլիի ձերբակալման շուրջ Ադրբեջանի պաշտոնական տեսանկյունը, որն է՝ մեկ ամիս առաջ ադրբեջանցի լրագրող և քաղաքական ակտիվիստ Աֆգան Մուխթարլին պարզապես անհետացել է Վրաստանի մայրաքաղաք Թբիլիսիից: Լրագրողը Ադրբեջանից հարյուրավոր կիլոմետրեր այն կողմ է բնակվել 2015 թվականից ի վեր և իր անհետացման օրը զանգահարել է կնոջը և ասել, որ հաց է գնել և տուն է գնում: Սակայն այդպես էլ տուն չի հասել:
«Չեմ կարծում, թե պարոն Մուխթարլիին կարելի է լրագրող կոչել, ես տեղյակ չեմ նրա լրագրողական գործունեությունից: Ադրբեջանի սահմանային ծառայությունը ձերբակալել է Ադրբեջանի քաղաքացուն՝ Վրաստանից Ադրբեջան սահմանը անօրինական կերպով հատելու համար: Մենք տեղյակ չենք, թե կոնկրետ ինչ է պատահել Վրաստանի կողմում, սակայն գիտենք, որ մեր սահմանը հատվել է անօրինական կերպով, առանց սահմանապահներին զգուշացնելու: Դա է իրողությունը:
Մուխթարլիի սկանդալը վրաց-ադրբեջանական եղբայրական հարաբերությունները քայքայելու փորձ է»,- նշել է նա:
Հետևեք մեզ Viber-ում
