Կհայտարարվի պահեստազորայինների վարժական հավաք․ հայտնի են մանրամասներ

Կհայտարարվի պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների վարժական հավաք` երկու ամիս ժամկետով` 2022 թվականի ապրիլի 15-ից մինչև հունիսի 15-ը: Նախագիծն ընդգրկված է կառավարության մարտի 10-ի նիստի օրակարգում։
Վարժական հավաքներին նախատեսվում է ներգրավել մինչև 724 քաղաքացու, որոնցից 566-ը` կրտսեր ենթասպայական և շարքային կազմերի, 30-ը` ավագ ենթասպայական կազմի, 128-ը` սպայական կազմի պահեստազորայիններ:
Վարժական հավաքներին կներգրավվեն՝ մոտոհրաձգային մասնագիտություններով մինչև 72 պահեստազորայիններ։ Նրանցից` 18 պահեստազորայիները կզոորակչվեն 2022 թվականի ապրիլի 18-ից 24-ը ներառյալ, 9 պահեստազորայինները` 2022 թվականի ապրիլի 25-ից մայիսի 4-ը ներառյալ, 18 պահես¬տազորայինները` 2022 թվականի մայիսի 15-ից 24-ը ներառյալ, 27 պահեստազո¬րայինները` 2022 թվականի մայիսի 17-ից 26-ը ներառյալ։
Հրթիռահրետանային մասնագիտություններով կզորակոչվեն մինչև 469 պահեստազո-րայիններ` 2022 թվականի մայիսի 10-ից 19-ը ներառյալ, թիկունքային մասնագիտություններով մինչև 47 պահեստազորային` 2022 թվականի ապրիլի 15-ից 24-ը ներառյալ:

Հետախուզական մասնագիտություններով կզորակչվեն մինչև 32 պահեստազորայիններ, որոնցից` 26-ը՝ 2022 թվականի ապրիլի 18-ից 27-ը ներառյալ, 6 -ը` 2022 թվականի ապրիլի 19-ից 28-ը ներառյալ, ինժեներական մասնագիտություններով՝ մինչև 31 պահեստազորայիններ` 2022 թվականի մայիսի 30-ից հունիսի 8-ը ներառյալ։
Տեխնիկական մասնագիտություններով կզորակաչվեն մինչև 73 պահեստազորայիններ, որոնցից` 42-ը` 2022 թվականի մայիսի 10-ից 16-ը ներառյալ, 31 -ը` 2022 թվականի հունիսի 6-ից 15-ը ներառյալ։
Նախագծի հիմնավորման մեջ նշվում է, որ որոշման ընդունումը պայմանավորված է պահեստազորի առաջին խմբում հաշվառված շարքային, ենթասպայական և սպայական կազմերի պահեստազորայինների ռազմական հմտությունների կատարելագործման, վերապատրաստման և պատրաստման վարժականքների անցկացման անհրաժեշտությամբ ։ Նշվում է նաև, որ վարժական հավաքի նպատակը զորքերի համալրումն է՝ ավելի պատրաստված և անհրաժեշտ զինվորական հաշվառման մասնագիտություն ունեցող պահեստազորայիններով ։

Հայկ Դավթյան