Սինգապուրը ևս պատժամիջոցներ է սահմանել բանկերի նկատմամբ
Սինգապուրի իշխանությունները պատժամիջոցներ են կիրառում «ՎՏԲ», «Ռոսիա», «Պրոմսվյազնանկ» եւ «ՎԵԲ.ՌՖ» բանկերի նկատմամբ, արգելում են կրիպտոարժույթով գործարքները, ինչպես նաեւ սահմանափակում են երկակի նշանակության ապրանքների մատակարարումը։ Այս մասին ասված է հանրապետության ԱԳՆ-ի՝ շաբաթ օրը հրապարակված հայտարարության մեջ, փոխանցում է ՏԱՍՍ-ը։
«Սինգապուրի բոլոր ֆինանսական ինստիտուտներին, այդ թվում՝ բանկերին, ֆինանսական ընկերություններին, ապահովագրական ընկերություններին, միջնորդներին, ֆոնդային բորսաներին, վճարային ծառայություններ մատուցողներին արգելվում է աշխատել «ՎՏԲ», «Ռոսիա», «Պրոմսվյազնանկ» եւ «ՎԵԲ.ՌՖ» բանկերի հետ»,- ասվում է հաղորդագրության մեջ։
Ինչպես նաև արգելվում է կապիտալի ներգրավման նպատակով գործարքներ կնքել, ֆինանսական ծառայություններ տրամադրել Ռուսաստանի Դաշնության կառավարությանը, Ռուսաստանի Դաշնության Կենտրոնական բանկին, ինչպես նաեւ ցանկացած իրավաբանական անձի, որին նրանք վերահսկում են կամ որը գործում է նրանց անունից:
Հետևեք մեզ Viber-ում
