Մարդասպանի փոստին Լավրովի դստեր վերաբերյալ պատվեր է եկել

Ռուսաստանի հատուկ ծառայությունները որոնում են անհայտ անձի, որը նամակ է գրել վարձու մարդասպան Ալեքսեյ Շերստոբիտովին, որն իր պատիժն է կրում խիստ ռեժիմի գաղութում: Այս մասին gazeta.ru-ին հայտնել է աղբյուրն իրավապահ մարմիններում: Նամակի չպարզված հեղինակը «պատվիրել է» ՌԴ ԱԳՆ ղեկավար Սերգեյ Լավրովի դստեր՝ Եկատերինա Վինոկուրովայի և նրա ամուսնու սպաությունը՝ խոստանալով 500 մլն դոլար վճարել: Պարբերականի զրուցակցի խոսքերով՝ նամակը գնացել է ոչ ուղիղ վարձու մարդասպանին, այլ նրան նվիրված կայքի փոստին: Շերստոբիտովի ներկայացուցիչ Տատյանա Ազանովայի խոսքերով՝ նման բովանդակության նամակ իր հաճախորդին առաջին անգամ է գալիս: ՌԴ անվտանգության դաշնային ծառայության պաշտոնաթող սպա Ալեքսանդր Բելյաևը պարբերականին նշել է, որ եթե հատուկ ծառայությունները տեղեկություններ են ստանում պետության ղեկավարիների և դաշնային պաշտոնյաների հասցեին սպառնալիքների մասին, պարտավոր են ստուգել այդ տվյալները՝ անկախ նրանից, թե որքան ոչ ճշմարտանման են երևում դրանք: «Ընդհանուր առմամբ այդ մարդու գործողությունները կարող են ներառվել «Մահափորձ» հոդվածի տակ «Հանցագործության պատրաստություն» հոդվածով, որտեղ հենց սպանությունը չի իրագործվել պատվիրատուից անկախ հանգամանքների պատճառով: Կա նաև ավելի ծանր հոդված՝ «Ոտձգություն պետական կամ հասարակական գործչի կյանքի նկատմամբ»»,- հավելել է Բելյաևը: Ալեքսեյ Շերստոբիտովի հաշվին 12 ապացուցված սպանություն և մահափորձ կա: Ներկայումս 23 տարով բանտարկված է խիստ ռեժիմի գաղութում: