Սև ծովից դուրս են բերել հայ տղամարդու և նրա 5-ամյա դստեր դիերը
Անապայում Վիտյազեվո շրջանում փրկարարները ջրից դուրս են բերել հայ տղամարդու և նրա 5 ամյա դստեր դին: Ողբերգական դեպքը տեղի է ունեցել հուլիսի 8-ին: Կրասնոդարի երկրամասի քննչական կոմիտեի մամուլի ծառայությունից հայտարարում են, որ ողբերգության պատճառները հայտնի չեն, իսկ հուլիսի 13-ին խեղդվածների հարազատները հայտնել են, որ երեխայի հայրը մահացել է սրտի կանգից` փորձելով փրկել դստերը: Հարազատները պատմել են, որ Գարիկը նավակով մանկահասակ դստեր և որդու հետ ծովում է եղել: Դավիթը խաղացել է հոր հետ` նավակից ցատկելով ջրի մեջ` հոր գիրկը: Նույն պահին նավակի մյուս կողմից ցատկել է աղջիկը` Դիանան: Հայրը որդուն բարձրացրել է նավակի վրա և սկսել որոնել դստերը, բայց չի հաջողվել: Տղամարդն օգնություն է կանչել և, ըստ հարազատների, անելանելի դրությունից սիրտը կանգ է առել:
Հետևեք մեզ Viber-ում
