Արիանա Հովսեփյանը Հովհաննես Մովսիսյանին հանրային վայրում «խայտառակ» է արել
Քիչ առաջ «Կինո Մոսկվա»-ի մոտ գտնվող Մարտին Ռոյալ սրճարանում արտակարգ դեպք է տեղի ունեցել: Ականատեսների պնդմամբ՝ Newspress.am լրատվականի հիմնադիր Արիանա Հովսեփյանը հիշյալ սրճարանում մոտեցել է Հանրային հեռուստաընկերության ղեկավար Հովհաննես Մովսիսյանին՝ հայտնի ՊՈԱԿ-ի (ֆեյքերի ՊՈԱԿ֊ի) Հովոյին, և բարձրաձայն հարցրել. «Ինձ ճանաչու՞մ ես, արա՛»:
Հովհաննես Մովսիսյանը, հավանաբար չսպասելով նման կտրուկ մոտեցման և հարցադրման, մտահոգ տոնով ասել է, թե չի ճանաչում։ Արիանա Հովսեփյանը հանել է ակնոցները և շարունակել. «Ձեզ զգուշացնում եմ, որ մաքրվեք ձեր թրքահպատակ Նիկոլի հետ»:
Կառավարության «Հանրային կապերի և տեղեկատվության կենտրոն» ՊՈԱԿ–ի ղեկավարներ Մովսիսյանը, ով, ըստ լուրերի, զբաղվում է սոցցանցերում Նիկոլ Փաշինյանին դեմ արտահայտված մարդկանց վարկաբեկելով, Արիանա Հովսեփյանին առաջարկել է նստել, սակայն մերժում ստանալով` այժմ էլ սպառնացել է, թե անվտանգության աշխատակիցներին կկանչի։
Սակայն Արիանա Հովսեփյանին նրա սպառնալիքն ամենևին չի անհանգաստացել։
«Թքած ունեմ ձեր վրա էլ, ձեր կոկոլի վրա էլ։ Ձեր ֆեյքերին հավաքի ու չափերդ ճանաչի։ Մինչև հիմա չհասկացա՞ք ես ով եմ։ Հերիք եղավ էդ քո ֆեյքերը ինձ վիրավորեն։ Դու արդեն կրակի հետ ես խաղում։ Չեք էլ ամաչում, բաց ճակատով եկել ու հանրային վայրում նստու՞մ ես։ Դուք դեռ պատասխան եք տալու»,֊ասել է Արիանա Հովսեփյանը։
Այս ամենը լսել են սրճարանի այցելուները, որոնց գնահատմամբ, Արիանա Հովսեփյանը անհարմար դրության մեջ էր դրել ՊՈԱԿ֊ի Հովոյին ու խայտառակել նրան` հաճախորդների ու սրճարանի աշխատակիցների աչքի առաջ։
Մենք զանգահարեցինք խմբագիր Արիանա Հովսեփյանին և նա հաստատեց տեղեկության իսկությունը՝ հավելելով, որ դեռ քիչ է ասել, քանի որ կապիտուլյացիայի ու դավաճանության մեջ մեղադրվող իշխող ուժի բոլոր ներկացուցիչները միայն արհամարհանքի ու վիրավորանքի են արժանի։
Հետևեք մեզ Viber-ում
